Jurip u Myntri Agriculture ïa ka ïew Sorkar ha Sangmeiñ

Shillong Ïaiong 18: U Myntri ka tnad Agriculture ka sorkar jylla, Bah Banteidor Lyngdoh hynne ka sngi Saitjaiñ u la leit ban jurip ïa ka Ïew nongrep ba la buh da ka sorkar kaba don ha Sangmein, 5Mer Upper Shillong.

Katei ka jingleit jong u ka long ban pyntip paidbah khnang ba ki nongrep kumjuh ki nongkhaïi kin tip ba watla ka ïewduh la khang hynrei ka sorkar ka la buh pli da bun tylli ki Ïew nongrep ba man la ki jaka.

“Ka jingwan jongnga ka long ban ïohi hi dalade ïa kane ka Ïew nongrep bad ban pynshlur ïa ki nongrep ba kin shim ba kane kadei ka Ïew kyrpang ba kin wan die ïa ki jhur bad ki mar rep kiba mih na ki lyngkha rep jong ki,” u la ong.

U Myntri u la kyntu ruh ïa ki nongkhaïi ba kin phaikhmat lang sha katei ka Ïew khnang ba kan long kum ka jingkieng na ka bynta ka jingdonkam ki nongshong shnong ka nongbah bad jong ka jylla ha kum kane ka por ba don ka jingkhangdam.

U Myntri u la ong ba ka sorkar jylla ka la buh hakhmat eh na bynta ki jingdonkam jong ki nongrep kynthup naduh ki dawai sboh, ki symbai bad wat na ka bynta ki car pass.

Door Step Delivery Of Medicine

We Advertise

S

  • Phone
    7085718589
  • Email
  • Address
    Office: Lower Lachumiere Near Pear Tree Guest House
    Shillong, 793001
    For Advertisements
    Call Us Here 98634-49079/7085718589