Na ki 44 ngut kiba ïoh Covid, 38 dei kiba na Rilbong

Shillong, Nailar 17: Ka jylla ha ka sngi Nyngkong ka la sakhi ba ki don haduh 44 ngut ki briew kiba ioh thymmai ia u khniang Corona virus ha kaba tang na East Khasi Hills ki la don haduh 40 ngut.

Haba pynbna ia kane, u Director ka tnad ka Koit ka Khiah u Dr. Aman War u la pyntip ba kitei ki 40 ngut kiba ioh na East Khasi Hills Hills ki kynthup ia ki 38 ngut ki riew paidbah tang na Rilbong’ uwei pat udei uba ia bit pateng bad uwei pat udei u BSF. Ki sawngut kiwei pat ki kynthup ia ki lai ngut ki na West Garo His baroh na Tikrikilla bad uwei pat dei na East Jaintia Jaintia dei u nongñiah kali bar jylla.

Da kitei ki 44 ngut kiba ioh mynta ka sngi, la jingdon kiba ioh COVID ka la poi sha ka 733 ngut ha kaba na kine tang ha East Khasi Hills ki la poi sha ka 423 ngut kata kynthup ia ki BSF – 72, shipai – 70 ngut bad paidbah haduh 281ngut.

Ha West Khasi Hills pat ki don – 03 ngut, South West Khasi Hills – 01, Ri-Bhoi – 100, West Jaintia Hills – 04ngut, East Jaintia Hills – 05, West Garo Hills – 184, South West Garo Hills – 03 bad ha North Garo Hills – 08 ngut.

Ha kane ka sngi ki la don ruh haduh saw ngut kiba koit kata ha West Jaintia Hills – iwei, East Jaintia Hills – iwei bad East Khasi Hills – arngut. Haduh mynta kiba koit baroh ki long 679 ngut.

U DHS u la iathuh ruh ba ki sample ba la phah ban test haduh mynta ki long 43872 ha kaba 42137 tylli ki long negative katba ki sample ba dang ap ki long 315 tylli.

Nalorkata, u DHS iathuh ruh ba bun na kitei kiba ioh COVID kidei ha Rilbong bad napdeng kitei don kiba bylla ha Iewduh ne Khyndailad ha kaba na ka liang ka tnad mardor ka la phah khang noh ia kito ki jaka ba jia.

La iathuh ruh ba ha katei ka jingjia ha Rilbong kim pat lah satia ban buddien naei sdang pur utei u khñiang jingpang bad don ruh ka jingsuba ba ka lah ban dei ka jingsdang phriang sha ki paidbah. La ong ruh ba ka tnad shen kan wad bniah naei ki paidbah ki ioh ne ia bit ia utei u khñiang jingpang.