Naduh 14 tarik yn plie noh ïa ki jaka mane Blei ha ka jylla

Shillong, Jylliew 5: Ka sorkar jylla ha ka sngi Thohdieng ka la rai ban phah plie biang ia ki jaka mane Blei ha kylleng ki bynta jong ka jylla naduh ka 14 tarik mynta u bnai.

Ia kane ka rai la shim ha ka jingialang kaba la lum da u Myntri Rangbah ka Jylla Conrad K Sangma ryngkat bad ki nongialam jong ki kynhun niam bapher bapher kaba long ha kane ka sngi Thohdieng.

“Ngi la rai ban ailad ban plie noh ia ki jaka mane Blei naduh ka 14tarik mynta u bnai, bad halor kane yn sa pynmih ia ka jingpynbna la shai ka sngi,” ong u Symbud Myntri Rangbah ka Jylla, Bah Prestone Tynsong haba kren bad ki lad pathai khubor hadien ba la wai ka jingialang.