Nalor ka St. Anthonys, paw ka St. Edmund’s bad RKM ha ka HSSLC Arts

Shillong, Naitung 13: Ka result jong ka Class XII Arts ba pynbna da ka MBoSE ha kane ka sngi Nyngkong ka pyni ba nalor ka St. Anthony’s Hihger Secondary School kaba ioh 4 ngut kynthup ki don kiwei pat ki skul kiba paw kynthup ia ka St. Edmunds kaba ioh haduh 5 ngut.

Ia ka kyrdan ba Nyngkong mynta u snem la ioh da ka Mahima Sinha katba ia ka kyrdan ba ar pat da ka Ritishari Chyne na Kynton Massar.

Ka St. Anthony’s kaba dei kawei na ki skul ba pawnam ha ka jylla ka la ioh ban bat ia ka kyrdan kaba 1, 2, 3 bad ba 10, katba ka St. Edmund’s pat ka ioh ban bat ia kyrdan ba 6, 8, 9 bad ba 10 ki don arngut.

Ha kane ka kynti ka RKM Sohra ruh ka ioh arngut ha ka Top Ten ba kynthup ia u Gideon Lyngdoh ha ka kyrdan ba 4 bad u Bansiewdor Dohling pat ha ka kyrdan ba 5.

Na Seven Set ruh ka ioh lang ban don ha ka Top Ten ha ka kyrdan ba 4, katba ka Holy Child kaba ioh arngut ka ioh ha ka kyrdan ba 7 bad ba 10. Ka St. Mary’s ruh ka ioh arngut kata ha ka kyrdan ba 8 bad ba 9.