Nang hiar kiba ïohpang Covid-19, 35 ngut mynta ka sngi

Shillong, Naiwieng 15: Ka jingdon kiba iabit ia u khniang jingpang COVID 19 ha kane ka sngi U Blei ka la hiar sha ka 35 ngut kaba pynlong ia ka jylla mynta ban don sa tang 971 ngut kiba don ia utei u virus.

Kitei ki 35 ngut ki kynthup ia ki 26 ngut na East Khasi Hills, 04 ngut na West Garo Hills, 02 ngut na West Khasi Hills bad South West Garo Hills, bad 01 na North Garo Hills.

Ha kane kajuh ka sngi ka jylla ka la sakhi ba ki don 76 ngut kiba koit kaba pynlong ia ka jylla ban don mynta haduh 9594 ngut ki nongpang.

Kitei ki 76 ngut kiba koit hynne ka sngi ki kynthup ia ki 23 ngut na Ri Bhoi, 19 ngut na East Khasi Hills, 12 ngut na East Jaintia Hills, 10 ngut na West Jaintia Hills bad 06 ngut na West Garo Hills, 03 ngut na East Garo Hills, 02 ngut na South West Garo Hills bad iwei na West Khasi Hills.

Haba phai pat sha kiba iap tad haduh mynta ka sngi ka jingdon kiba iap ka la poi sha ka 100 ngut.