Noh synñiang ki MLA 10 % na ka tulop sha ka Chief Minister Relief Fund

Shillong, ïaiong 11: Ka jing ïalang ba kyrkieh ba la lum da u Lamphang ka ïing Dorbar Thawaiñ, Bah Metbah Lyngdoh kynthup na ka liang ka sorkar jylla bad ruh na ka Liang Pyrshah ka la shim ïa ka rai
ban kyntu ïa baroh 60 ngut ki MLA ba kin noh synñiang sngewbha mar 10 persen na tulop ba ki ïoh sha ka Chief Minister Relief Fund kum shibynta ban snohkti lang met bad mynsiem ha ka jingïakhun pyrshah ïa ka khlam COVID – 19.

Ha katei ka jing ïalang kaba la wan ban mihkhmat da u Symbud Myntri Rangbah ka Jylla, Bah Prestone Tynsong na ka liang ka sorkar bad u Dr. Mukul Sangma na ka Liang Pyrshah da kawei ka sur ki la mynjur ban kyntu ïa ki para MLA ba kin don bynta lang bad ka sorkar ha kane ka kynti ba ka jylla baroh kawei ka ïa khun borbah ban khanglad ïa utei u khñiang ban ioh rung shapoh Meghalaya.

“Ngi sngewkmen ba kitei baroh ki arngut ki la pynskhem ïa ka jingdonkam ban don bynta lang da baroh ki 60 ngut ki MLA ban ai mar 10 persen na ka tulop ba ki ïoh na ka bynta shi snem pura kaban sdang
naduh ka 01tarik u ïaiong mynta u snem haduh u Lber jong u snem 2021,” u la ong.

U Lamphang u la ïathuh ruh ba ha katei ka jing ïalang ki la dep ban ïatai sani ruh kumno ban pynkhlaiñ shuh shuh ïa ka jing ïakhun pyrshah ïa katei ka khlam. “Ngi la ïa kren ruh halor ka jingpynpoi ïa ki
marbam mardih sha ki nongkyndong bad sha ki bynta bapher bapher jong ka jylla,” la bynrap biang u Lamphang.

Ha kajuh ka por u la ai ruh ka jing ïaroh ïa ki paidbah khamtam ki nongsynshar shnong kiba la ai ka kti kamon kti kadiang ha kine ki ar taïew ba la dep ba ka jylla ka don ha ka jingkhangdam.

U Lamphang u la ai ruh ka jingïaroh ia ka sorkar jylla hapoh ka jing ïalam jong u Conrad K Sangma kum u Myntri Rangbah kaba la lah ban tehlakam ha baroh ki liang ha kine ki sngi baroh ba ka jylla ka don ha
ka jingkhangdam.

U Lamphang u la ïathuh ruh ba u la dep ban ai da ka jingthoh sha u Myntri Rangbah ka jylla ba donkam ban bteng biang ïa ka jingkhang dam ïa ka jylla sa artaïew ei ei khnang ban pyntikna ba ka Meghalaya kan ym ioh satia ïa utei u khñiang lyngba ki briew kiba rung sha kane ka jylla.

Door Step Delivery Of Medicine

We Advertise

S

  • Phone
    7085718589
  • Email
  • Address
    Office: Lower Lachumiere Near Pear Tree Guest House
    Shillong, 793001
    For Advertisements
    Call Us Here 98634-49079/7085718589