Poi 37 ngut kiba koit na u COVID ha Meghalaya

Shillong, Jylliew 21 : Sa san ngut ki nongpang COVID ki la koit ha ka jylla kaba pynlong ia ka Meghalaya mynta ban don sa tang 6 ngut ki nongpang ha ki jaka ai jingsumar ba pher bapher.

Katkum ka kyrwoh na u Myntri Rangbah ka Jylla, Conrad K Sangma, la kdew ba na ki 44 ngut kiba ioh ia utei u virus kiba koit ki la poi 37 ngut.

Lah ban kdew hangne ba ha ka sngi Saitjaiñ uwei u shipai ka Assam Regiment u la ioh ia utei u virus hadien ba u la wanphai na Assam.