Poi saw ngut kiba ïoh ïa u COVID -19, kiew sha ka 29 ngut ha jaka sumar

Shillong, Jylliew 9: Ka Meghalaya ka la sakhi ia ka jingkiew kynsan haduh saw ngut ki briew kiba ioh ia u khniang COVID-19 mynta ka sngi Ba-ar. Kitei ki kynthup ia u rangbah ba la 73 snem na Ri Bhoi District bad kynthup ia lai ngut kiwei pat ki samla ba dang wan phai na Delhi bad Chennai.

Kumba long haduh mynta, ka jylla ka la don haduh 29 ngut ki nongshong shnong kiba don ha ki jaka ai jingsumar bapher bapher, 13 ngut kiba la koit, bad iwei ba la iap, kaba mut baroh ka la poi sha ka 43 ngut.

Haba iadei bad ka jingioh jong u rangbah ba la 73 snem na Ri Bhoi ia utei u khñiang jingpang, u Symbud Myntri Rangbah ka Jylla, Bah Prestone Tynsong u la ong ba ki la bthah ia ka Deputy Commissioner kumjuh ia u DMHO ka Ri Bhoi ban wad bniah ia baroh kito kiba utei u nongpang u ia kynduh lane ki primary contact.

La iathuh ruh ba utei u nongpang mynta u don ha ka jaka ai jingsumar jong ka Robert Hospital, Shillong.