Pynbna ka ECI ïa ka tarik elekshon MP Lok Sabha, 11 Tarik Ïaiong ha Meghalaya, 23 Jymmang ka sngi ñiew vote

Shillong, Lber 10: Hashuwa ba ka samoi treikam jong ka Lok Sabha kan kut noh ha ka 3 tarik Jylliew, 2019, ka Election Commission hynne ka sngi ka la pynbna ïa ka tarik elekshon sha ka Lok Sabha.

Ïa ki tarik jong ka elekshon Lok Sabha la pynbna da u chief election commissioner u Sunil Arora bad ki election commissioners, u Ashok Lavasa bad u Sushil Chandra ha Vigyan Bhavan, Delhi.

Na ka bynta ki artylli ki konstitwensi ha Meghalaya – ka Shillong bad Tura, ka elekshon kan long ha ka 11 tarik, Ïaiong.

Haryngkat bad ka Meghalaya ki Jylla ki ban thep vote lang na kane ka thaiń shatei lam mihngi ki kynthup san tylli ki konstitwensi ha ka Jylla Assam, Arunachal Pradesh artylli ki konstitwensi, bad kawei ka konstitwensi kum ha Nagaland, Sikkim, Manipur bad Mizoram.

Katkum ka ECI, ka jingniew vote kan long ha ka 23 tarik u bnai Jymmang.

Kane ka elekshon mynta ka kynti kan long haduh hynniew sien, ka ban sdang naduh 11, 18, 23, 29, 6 tarik Jymmang, 12 bad 19 tarik u Jymmang.

Ka jingthep vote ha ki hynniew sien kan dei na ka bynta ki 543 tylli ki Lok Sabha konstitwensi.

Door Step Delivery Of Medicine

We Advertise

S

  • Phone
    7085718589
  • Email
  • Address
    Office: Lower Lachumiere Near Pear Tree Guest House
    Shillong, 793001
    For Advertisements
    Call Us Here 98634-49079/7085718589