Pyrshah ka KSU ïa ka jingwan mushlia ki khar Bangla

Shillong, Risaw 21: Ka KSU hynne ka sngi ka la py long ka jingmih paidbah ha kylleng ki bynta jong ka jylla kynthup ha nongbah Shillong, Sohra bad ruh ha Ri Bhoi ban pynpaw ia ka jingpyrshah kaba jur halor ka jingmih ki briew kiba thmu ban wan mushlia bad ai ding biang ia ka jingjia ha Ichamati.

Ha katei ka sngi ki dkhot ka KSU ki la leit ruh ban pyndait ruh da ki poster kylleng kylleng ka nongbah Shillong kynthup ha kynroh jong ka Assembly bad ruh shaduh Laitumkhrah. Katto katne na kitei ki jingthoh ki long, ‘Mano ba pyniap ia u Lurshai Hynniewta…..? bad kiwei kiwei.

Ha Ri Bhoi pat ka KSU ka la pynpaw ba ka jingmih paidbah jong ki ha jan Toll Gate ka.long ban pyrshah ia ka jingthmu jong u nongialam ki Bengali ban wan iuhkjat sha Meghalaya.

Haba kren ha kane ka sngi u President ka KSU Ri Bhoi u la ong ba kum ka seng ka ieng pyrshah halor ka jingthmu jong kitei ki Jaidbynriew ban kynnoh kylla pat ia ki trai jylla halor ka ishu Ichamati.

Dei halor katei ka nongrim ba ka seng ka ong ba kin ieng pyrshah beit khnang ba ka shongsuk shongsaiñ kan ym shah ktah biang ha ka jylla.