Rai ka sorkar ban test Covid ïa baroh ki paidbah ka jylla

Shillong, Naitung 23: Ka sorkar jylla ka la rai ban sdang noh ban test COVID ia baroh ki paidbah ka Jylla hadien ba ki la iohpdiang ia ka jingtyrwa na ka tnad ka koit ka Khiah hadien ba ka la don ka jingnang kiew utei u khñiang jingpang ha ka jylla.

Haba kren bad ki lad pathai khubor, u Symbud Myntri Rangbah ka jylla, Bah Prestone Tynsong u la iathuh ba ha ka review meeting kaba long mynne ki la shim ia ka rai ban buh noh haduh 71 tylli ki jaka na ka bynta ban test naphang ia ki paidbah.

Tad haduh mynta u la iathuh ba ka tnad ka la dep ban sdang ia katei ka jingtest naphang ia ki paidbah kum ha Umpling, Khanapara, Nongmensong bad kiwei kiwei.

Shwa kane, u Myntri ka Koit ka Khiah, Bah AL Hek u la iathuh ba ki la don haduh 19 ngut ki briew kiba ioh ia u COVID -19 haduh ka janmiet sngi Palei kaba pynlong ia ka jylla mynta ban don haduh 448 ngut ki nongpang ha baroh kawei ka jylla.

Kitei ki 19ngut kiba ioh thymmai ki kynthup ia ki 13ngut na East Khasi Hills 3ngut na West Garo Hills, bad 3 ngut na South West Garo Hills.

Ha East Khasi Hills, baroh kitei ki 13 ngut kidei ki shipai BSFngut.

Ha kane ka sngi ki la don ruh haduh 4ngut kiba koit ba kynthup ia uwei u BSFbad 3 ngut kinriew paidbah kiba dei baroh na East Khasi Hills.

Kumba long haduh mynta ka East Khasi Hills ka don haduh 375 ngut kiba pang COVID ba kynthup ia ki 281 ngut ki BSF, 14ngut ki shipai bad 80 ngut ki riew paidbah. Katba kiba koit pat ki la poi baroh haduh 82 ngut.

Ha kiwei pat ki Distrik, ka Ri Bhoi ka la Kiew mynta sha ka 42ngut, West Jaiñtia -05, East Jaintia – 03, West Garo Hills – 15, South West Garo Hills – 4, South Garo Hills – 2, East Garo Hills – 01 bad North Garo Hills -01.

One thought on “Rai ka sorkar ban test Covid ïa baroh ki paidbah ka jylla”

  1. This is a good decision which is kaken by the government. I humbly request the Government to start with the border areas becouse this are the areas which we all doubted especially the areas border with assam and Bangladesh. Our people leaving in this areas hoped that our government will reach to them as soon as possible……Thank You our beloved Government for taking such an important decision 🙏

    Regards
    Dolloi
    Elaka Satpator
    8787557229

Comments are closed.