Rai ka sorkar da ka ïew die lang ha Ïewmawlong

Shillong, Jymmang 25 : Ka sorkar jylla ha ka sngi Nyngkong ka la shim ïa ka rai ban buh  noh shipor da ka ïew die lang kaba shipor (whole sale market) na ka bynta ban die ïa ki jhur.

Kane ka ïew kadei kaba la pynbeit na ka liang ka tnad Agriculture bad ïa ka jaka la jied ban buh ha ka parking lot jong ka Municipal kaba don ha Ïew Themmawlong, Shillong.

Katei ka sienjam ka long ban plie lad ïa ki nongrep khnang ba kin lah ban die pat ïa ki jhur ba ki pynmih na ki lyngkha rep yn dup lah ban khaïi pat shabar ka jylla.

Haba pynbna ïa kane u Symbud Myntri Rangbah, Bah Prestone Tynsong u la ong ba katei ka sienjam ba ki shim ka long ba mynta kadei ka por rep kumta ki paidbah ki donkam ia ka iew ba kin lah ban die ia ki mar rep bad ki jhur ki thep.