Sa 3 ngut kiba ïoh COVID ha ka jylla, poi 270 kiba ïoh COVID baroh

Shillong, Naitung 14: Ka sorkar jylla ha ka sngi Ba-ar ka la pynbna ba ki la don sa lai ngut ki briew kiba dang wanphai na shabar jylla kiba ioh ia u COVID -19, kaba pynlong ia ka jylla mynta ban don haduh 270 ngut ki briew kiba ioh ia utei u khñiang jingpang.

Haba pyntip ia kane, u Director ka tnad ka Koit ka Khiah ka Jylla, Dr. Aman Warr u la iathuh ba tang ka East Khasi Hills ka don haduh 236 ngut kiba pang COVID, kata kynthup ia ki 179 ngut ki BSF, 5ngut ki shipai, bad 52 ngut ki riew paidbah. Ha Ri Bhoi pat ki don 19 ngut, East Jaintia – 2, West Garo Hills – 9, South Garo Hills -2, East Garo Hills bad North Garo Hills mar 1 katba kiba koit pat ki long 46 ngut.

U DHS u iathuh ruh ba tad haduh mynta ki la phah haduh 24817 tylli ki sample ha kaba 24199 ki paw negative bad kiba dang ap ia ka report pat ki long 300 tylli.

Ha kajuh ka por, u Symbud Myntri Rangbah, Bah Prestone Tynsong ula pynbna ruh ba la weng shipor ia ka jingkhangdam ha nongbah Shillong kaba la dei ban kut ha kane ka step sngi Balang.

La iathuh ba ha ka review meeting kaba long hynne ka sngi la rai ruh ban pynbun shuh shuh ia ki corona centre hadien ba ka jingdon ki nongpang ka la nagnkiew ha ka jylla khamtam eh ha East Khai Hills.