Sa 8 ngut kiba ioh COVID mynta ka sngi, poi 201 ngut ki BSF

Shillong, Naitung 16 : Ka Meghalaya haduh ka por 10 baje mynstep jong ka step sngi Palei kaa don haduh 305 ngut ki nongpang COVID ha ka jylla hadien ba ki la don biang haduh 08 ngut ki briew kiba ioh thymmai ia utei u virus mynta ka sngi.

Kitei ki 08 ngut kiba ioh thymmai ki kynthup ia 3ngut ki BSF bad 4 ngut ki paidbah kata 3 ngut na East bad 1na Ri Bhoi bad u wei u shipai.

Kumba long haduh mynta, ka East Khasi Hills kadei la Distrik kaba bun eh da ki 267 ngut ba kynthup ia ki 201 ngut ki BSF, 14 ngut ki shipai bad 52 ngut ki riew paidbah.

Ha kiwei pat ki Distrik, ka Ri Bhoi ka la Kiew mynta sha ka 24 ngut, East Jaintia – 2 ngut, West Garo Hills -8, South Garo Hills -2, East Garo Hills – 1 bad North Garo Hills – 1.

Ha kawei pat ka liang ka jingdon kiba koit ka neh beit kumjuh da ki 47 ngut.