Sa tang 3 ngut kiba pang COVID ha Meghalaya

Shillong, Jylliew 24: Ka Meghalaya ka la kiew stet ha ka jingdon ki nongpang kiba koit na u khniang COVID -19. Kumta tad haduh kane ka sngi Balang ki la don sa tang 3 ngut ki briew kiba don ha ki jaka sumar bapher bapher jong ka jylla.

Katkum ka jingiathuh da u Myntri ka Koit ka Khiah, Bah AL Hek, kitei ki lai ngut ki kynthup ia ki arngut na South West Garo Hills bad uwei u shipai uba don ha Military Hospital, Shillong.

Kumba long mynta, hi ka jingdon kiba koit baroh ha ka jyla ka la kot sha ka 42 ngut baroh.

Na ka liang u Bah Hek u la pyntip ruh ba tad haduh ka janmiet sngi Balang ki la phah haduh 17,468 tylli ki sample ban test bad na kine, 16,937 ki long negative katba kiba dang ap ia ka report pat ka long 485 tylli.