Shah khyrwit u bah Sanbor ha u Symbud Myntri Rangbah

Shillong, Nailar 03 : U Symbud Myntri Rangbah ka jylla, Bah Prestone Tynsong ha ka sngi Nyngkong u la ong ba kum ki nongmihkhmat paidbah kidei ban da pyrkhat shwa shispah sien ban kren lane kynthoh ioh ka wan ban kyrtoh kylla ialade.

Kane ka jingkren jong u Bah Prestone kadei halor ka jingkynthoh jong u Bah Sanbor Shullai ia ka tnad ka Koit ka Khiah ka jylla ba ka la phiel ha ka rukom treikam.

“Nga iohi ia jingkren jong u MLA ka Shillong South ba ka jingkynthoh jong u kam dei ia ka sorkar MDA hynrei tang ia ka Health Department. Hynrei kano kano ka rai kaba ngi shim kadei jong ka jylla baroh kawei ym ban ong ba kadei tang ka tnad jong u Bah Hek ne ka jong u Bah Prestone,” u la ong.

Ha kajuh ka por u la ong ruh ba naduh u Myntri ka Koit ka Khiah, u DHS, ki ophisar ka tnad ka Koit ka Khiah ki trei shitom bad ki leit ban ai mynsiem man ki jaka bad man ki shnong ba don kiba ioh ia utei u virus khnang ba ki briew kin ym rit mynsiem.

Shuh shuh u Symbud Myntri Rangbah u la ong ruh ba kum u nongmihkhmat ki dei ban pyrkhat bha namar ban paw kumtei kan ym long satia kaba itynnad.

Norkata u ong ruh ba ki paidbah hi kin bishar halor kitei baroh.