Shah thang lai tylli ki ‘scooty’ ha Rilbong

Shillong, Ïaïong 23 : Lai tylli ki scooty kiba pynieng harud surok ha Rilbong hynne ka step ki la shah thang ha ki runar kiba ym lah ban tip, ïathuh ki pulit.

Katkum ka jingiathuh ki nongshong shnong ha kane ka jaka, ki khynnah shynrang ki la ïaid kyllain la bunsien ha ki bynta kane ka jaka da ki thuk thuk, shisien ha ka por 11 pm bad sa shisien pat ha ka por 1 baje mynstep.

Hynrei namar ka don ka jingiathoh shongkurim ha kane ka jaka bad haduh ban da miet bha, kumta ym shym la don ba suit-niew haduh katta shaphang kita ki khynnah shynrang kiba ïaid sawdong ka thain da ki thuk thuk.

U SP (city) u Bah Spill Thamar u la ong ba kane ka jingjia la ioh jingtip ha ka por 5 baje hynne ka step bad ki jingtohkit la dep ban iaid sha khmat.

“Ngi dang ialeh ban pynthikna ba ioh kan dei ka kam jong ki runar ne ka jingthmu ban thombor iano iano da kano kano ka kynhun”, u la ong shuh shuh.

Kum ban shu pyn-kynmaw ba kum kine ki jingjia ki la jia ha ki khyndiat sngi ba la dep ha kaba la don ki runar kiba la kawang petrol bomb ha ing ka Editor ka khubor Shillong Times ka Kong Patricia Mukhim bad kane ruh ka dang don hapdeng ka jingtohkit.

Door Step Delivery Of Medicine

We Advertise

S

  • Phone
    7085718589
  • Email
  • Address
    Office: Lower Lachumiere Near Pear Tree Guest House
    Shillong, 793001
    For Advertisements
    Call Us Here 98634-49079/7085718589