Shah ujor arngut kiba dawa pisa na u samla dih drok

Shillong, Lber 30: Ka president ka Civil Society of Women Organisation (CSWO), ka kong Agnes Kharshïing ka la ujor da ka ejahar pyrshah ïa arngut ki briew kiba la dawa pisa na uwei u samla dih drok ha ka 27 tarik Lber ha nongbah Shillong.

“Nga la ioh jingtip na u H Dkhar, uba dei u Injecting Drugs User (uba pyndonkam drugs) katba u dang ap dawai na Manbha Foundation, kaba dei ka seng treimon sngewbha kaba pyn-treikam ia ka Targeted Intervention na ka bynta ki Injecting Drugs User (IDU) (kiba pyndonkam drugs), ha ka 27 tarik u Lber ha ka por 8:30 – 8:45 pm ba u la shah dawa pisa ha ar ngut ki briew”, la ong ka Kong Agnes Kharshiing, President CSWO ha ka jingujor ba la phah sha ki pulit ia Nongthymmai Beat House.

“Na kine ki ar ngut, uwei na ki uba kyrteng u Joel Lamare, u la dawa T. 10,000 na u H Dkhar, da kaba kynnoh ba u don ia ki drok bad ba u dei u nong-khaii drok”, la ong shuh shuh ka jingujor sha ki pulit.

Ka jingujor ka la ong ruh ba utei u Joel u la khot sa ia u wei u briew uba kyrteng u Elvin bad hadien kata la ialam ia u sha Jingkieng (Springside) bad la pynbor ia u H Dkhar ban leit Ialam sha ïing jong u.

La ong ruh ba uwei na ki u la leh myn leh kum u pulit bad pyni tiar siat (pistol) kaba u la thep bha ha syngkai jong u.

Nalorkata ula pyni ruh ia ka kynja Identity Card kaba long rong iong ha ki dong jong ka.

Ka jingujor ka la pynpaw ruh ba une u Joel u la ktah kti ruh ia u H Dkhar. Ki la dawa na u T. 10,000/- ha kane ka janmiet bad lada um siew ha kane ka janmiet un hap siew T. 30,000/-ha ka sngi kaba bud.

Ka Kong Agnes ka la pynpaw ba u H Dkhar u la phah ruh sha ka ia ka Recording jingiakren ha kaba u ne u ba leh mynleh pulit  u la dawa ba dei ban wanrah ia ka pisa lane un hap ban leit sha along.

“Kane ka dei ka jingsuh buit kaba thmu ban riam bad iohnong  (blackmailing) ia u H Dkhar”, la pynpaw shuh shuh ka jingujor kaba la dawa ba dei ban kem mardor ia kine ki briew kiba donkti.

*Image credit to New York Post

1 thought on “Shah ujor arngut kiba dawa pisa na u samla dih drok

Comments are closed.

Door Step Delivery Of Medicine

We Advertise

S

  • Phone
    7085718589
  • Email
  • Address
    Office: Lower Lachumiere Near Pear Tree Guest House
    Shillong, 793001
    For Advertisements
    Call Us Here 98634-49079/7085718589