Shen yn kynduh ka sorkar bad ki nongïalam Balang

Shillong, Nailar 31: Ka sorkar jylla shen kan sa kynduh bad ki nongialam Balang ban ia kren na ka bynta ka jingplie ia ki iingmane hadien ba ka sorkar pdeng lyngba ka Unlock – 4 ka la pynbna ba la py jynsur ryngkat ki kyndon ban plie noh ia ki jaka mane Blei ha ka Ri.

“Shen ngin sa khot ia ki nongialam Balang halor kane namar dei ma ki naduh ba sdang kiba ong ba kim pat kwah ban plie ia ki iingmane namar ba kim pat long pynkhreh,” u la ong.

Ha kajuh u la ong ruh ba ka jingkhang ia ki khyrdop rung sha ka jylla na ka bynta shi taiew kan sdang naduh ka shiteng miet ryngkat ki kyndon khnang ba ki nongtrei ba don ha kitei ki khyrdop kin ioh shongthait bad kumjuh ba ka sorkar kan ioh ban pynkhuid bad synreit dawai ia kitei ki jaka.

Katkum ka jingong jong u, katei ka sienjam ba ka sorkar ka shim kam dei satia kaba long pyrshah ia ka jingbthah jong ka sorkar pdeng hynrei kadei kum shi bynta ban tehlakam ia ka jingnang kiew kiba ioh ia utei u virus khamtam ha East Khasi Hills bad West Garo Hills.