Tang 19 ngut kiba ïoh Covid 19 mynta ka sngi

Shillong, Naitung : U Director ka tnad ka Koit ka Khiah, Dr. Aman War ha ka sngi Palei u la pyntip ba ki don tang 19ngut ki briew kiba dang ioh thymmai ia u COVID kata tad haduh ka por 1 baje mynsngikaba pynlong ia ka jylla mynta ban don 588ngut kiba ioh ia utei u khñiang jingpang.

Na kitei ki 19 ngut 15ngut kidei na East Khasi Hills, kata 13 ngut ki BSF bad 2ngut ki riew paidbah.

Ki 04 ngut kiwei pat ki kynthup ia i 01 na West Jaintia Hills, 01 na South Garo Hills bad 02ngut na West Garo Hills.

La pyntip ruh ba kiba koit mynta ka sngi ki don 03 ngut kaba pynlong ia ka jylla mynta ban don haduh 210 ngut.

Kumba long haduh mynta, na ki 588 ngut kiba ioh COVID, ka East Khasi Hills Hills kadei kaba bun tam ki nongpang namar ka don haduh 491 ngut ba kynthup 254ngut ki BSF, 34 ki shipai bad 203ngut ki paidbah.

Kaba bud pat dei ka Ri Bhoi Bhoi ki 44 ngut, na West Jaintia – 14, East Jaintia – 15, West Khasi Hills – 04, West Garo Hills – 15, South West Garo Hills – 04, East Garo Hills – 01 bad South Garo Hills – 01 ngut.

La iathuh ruh ba ki sample ba la phah haduh mynta ka sngi ki long baroh 35572 tylli bad kiba paw negative ki long 34657 tylli katba ki sample ba dang ap ia ka report ki long 112 tylli.

Ka.jingdon pat ki briew kiba wanphai na bar jylla haduh mynta ki long 24,147 ngut.