Tang da ki kynta ïapher ka por khlad ki arngut kiba ïoh COVID-19

Shillong, Naitung 19: Arngut ki nongpang COVID ba kynthup ia uwei u ophisar jong ka Geological Survey of India, bad uwei pat u shipai BSF ki la khlad noh hynne ka miet North Eastern Indira Gandhi Regional Institute of Health & Medical Sciences (NEIGRIHMS).

Utei u ophisar ka GSI udei u ba la tip kyrteng kum u Banteilang R Syngai 40 snem na Ladsharai, Ri Bhoi District bad uwei pat dei u Nanseshwar Deury 48 snem na ktem BSF.

Haba pyntikna ia kane, u Director ka NEIGRIHMS, Dr P Bhattacharyya u la ong ba baroh arngut ki khlad noh na ka daw u COVID ha kaba uwei na ki u khlad ha ka por 1.30 baje mynstep uwei pat ha dien ar kynta.

U Director u la iathuh ruh ba ia u shipai BSF ba dang 48 snem na Tura Ia phah sha COVID ICU jong ka NEIGRIHMS hadien ba u ioh ia utei u virus bad paw dak shitom. 

La iathuh ba utei u ophisar ka GSI u la wan ban shah puid hynrei hadien la paw ba u ioh ia utei u virus. Ia utei u nongpang la buh la ka jong ka kamra bad haba ka jingshitom ka nang jur la rah sha COVID ICU.

Na ka liang u Director ka tnad ka koit ka Khiah Dr. Aman War u la iathuh ruh ba ia kitei ki arngut  yn tep noh mynta ka sngi U Blei hi.

Kumba long mynta ki nongpang COVID kiba khlad ha Meghalaya ki la poi 4 ngut kata kynthup ia u trai Bethany hospital, Dr. Sailo Ryntathiang bad iwei pat i khunlung ba dang 9 bnai.

One thought on “Tang da ki kynta ïapher ka por khlad ki arngut kiba ïoh COVID-19”

Comments are closed.