Teh kyndon ka sorkar ïa ka rukom shim bai skul

Shillong, Jylliew 8: Ka sorkar jylla ka la teh kyndon ia ki skul shimet kumjuh ia ki skul ba kyrshan da ka sorkar haba iadei bad ka jingshim bad lum ia ka bai skul.

Kumta, na ka liang ka sorkar lyngba u Symbud myntri Rangbah Bah Prestone Tynsong u la pyntip ba ka sorkar ka la rai ba ki skulsorkar kumjuh kito ba kyrshan da ka sorkar ki lah ban lum tang 50 persen ka bai skul (tuition fees) na ka bynta lai bnai kata naduh Iaiong, Jymmang bad Jylliew.

Hynrei na ka bynta ki skul ba pyniaid da ki skul shimet ka sorkar ka la rai ba kitei ki skul ki lah ban lum tang ka tuition fees na ka bynta ka lai bnai kata Iaiong, Jymmang bad Jylliew. La ong ruh ba kitei ki skul lait na ka tuition fees kim lah satia ban lum ia kiwei kiwei ki jingsiew.

La pyntip ruh ba na ka bynta kito kiba la dep siew lypa ia ka bai skul, kito ki skul ki lah ki lah pat ban pynbeit hadien.