Thang im u lok ïa ka kurim hakhmat ki khun

Shillong, Lber 27: Ha kawei ka jingjia kaba sngew shyrkhei kaba la jia ha East Khasi Hills, uwei u rangbah u la thang im ïa la ka kurim ïa ka daw kaba mano mano ruh kim don jingtip.

Katkum ka tyllong khubor, kane ka longkmie ka la khlad na ka daw kaba dei ka jingïap mynsaw hapoh ka shnong Mawshun kaba hap hapoh Pynursla Block, kaba baroh ki suba ba kadei ka kam shah pynïap.

Ha kaba ïadei bad ka jingïap katei ka longkmie, kaba la ithuh kyrteng kum ka kong Medli Khongmawloh, ki bahaïing hasem ki kynnoh ba ka la shah thang ha la u jong u lok uba ithuh kyrteng kum u Barstarwel Nongkhlaw ha ka 25 tarik mynta u bnai.

Ka tyllong khubor ka ïathuh ruh ba ïa ka met jong katei ka longkmie la pyndep ban tep noh hynnin ka sngi.

La ïathuh ba katei ka longkmie kadei kaba don lai ngut ki khun bad uba heh duh ruh udei uba dang 12 snem ka rta.

Haba ïadei bad kane ka jingjia, haduh mynta ki pulit kim pat don jingtip namar ki bahaïing hasem kim pat ai ka jingujor namar ba kim tip da kano ka lynti kin leit.

Ka tyllong khubor ka ïathuh ba ha aktei ka sngi, kaba utei u rangbah u la thang im ïa la ka lok, ki khun ki la pyrta bad kyrpad a u kpa hynrei u khlem sngap satia bad la shu thang im hakhmat jongki.

Na ka liang ki pulit, kiba dang shu ïoh jingtip bad kane ka jingjia, ki la ong, kin sa leit ban hiar sha katei ka shnong la shai ka sngi.

Door Step Delivery Of Medicine

We Advertise

S

  • Phone
    7085718589
  • Email
  • Address
    Office: Lower Lachumiere Near Pear Tree Guest House
    Shillong, 793001
    For Advertisements
    Call Us Here 98634-49079/7085718589