Thmu u A.D Blah ban pynïap ïalade, ïoh pyllait ki pulit

Shillong, Risaw: U nonseng ïa ka KWAN Entertainment, u Anirban Das Blah, uba dei ruh u ba riewkhmat ha ka ban pyniaid ïa ki kam kiba ïa dei bad ki tyngshop ki puron ka Bollywood, u la pyrshang ban pynïap noh ïalade ha ka step jong ka 18 tarik hynrei la ïoh ban pyllait noh, ong ka khubor pulit katkum ki khubor.

U Blah u la shim ïa katei ka rai ban pyndkut ïa la ka jong ka jingim hadien ba u la shah kynnoh ba u long u briew u ba khlem akor bad jrong kti ia ki kynthei.

Kane ka jingjia ka la jia ha ka por 1 baje jong ka step sngi Thohdieng. Ïa u Blah la ïoh bat bad pyllait im da ka kynhun pulit pahara ba dei pyniaid kali ha Vashi bad la aiti sha ki pulit, la ïathuh u heh pulit pyniaid kali katkum ka khubor. La dep ban tohkit ia u Blah bad la pyllait noh ïa u bad ki pulit ki la bthah ïa ki bahaing jong u ban wad ïa ki nongai jingmut kiba tbit.

Ia u Blah la bthah ban kynriah noh na ka kam kaba u bat hadien ba ki la mih ki jingkynnoh kiba u la leh khlem akor ia bun ngut ki kynthei kiba la pyni ba u don ka ka jingthmu ban shim kabu ia ki kynthei.

Kum ban shu kdew, ka KWAN Entertainment ha ka sngi balang ka la pyntip ba u Blah u la weng noh dalade na ki kam kiba u bat (kumjuh na ka kam kum u dkhot ka Board of Directors) ha KWAN bad kiwei kiwei pat ki kam kiba don jingiadei bad ka KWAN.

Kane ka company ka la lah ban sei ia ki tyngshop bad ki puron kiba paw khmat kum u Ranbir Kapoor, Hrithik Roshan, Tiger Shroff, Deepika Padukone, Sonam Kapoor, Shraddha Kapoor, Jacqueline Fernandez, Pritam, Mahesh Babu bad Rana Dagubatti.

Ka #MeToo movement ha India ka la sdang lyngba ka puron Tanushree Dutta kaba la pynthymmai biang ia ka jingkynnoh shah leh khlem akor hadien 10 snem pyrshah ia u tyngshop Nana Patekar, ha kaba la pynbud da kiwei kiwei pat ki jingujor pyrshah ia ki tyngshop ki puron bad ki riew paw khmat ka Bollywood.

Ki tyngshop bad puron lem kiwei kiwei ha ka karkhana pynmih phlim kila khih ieng pyrshah ia kiba donkti ban leh khlem akor.

Kum ban shu kdew ba u Blah, uba u dei u manager na ka bynta ki riew don sap ha Bollywood bad u nongseng ia ka KWAN, ka company kaba iarap ia kiba donsap, u dei uba la kha bad heh san ha nongbah Shillong.

Ki kmie ki kpa jong u ki dei kiba trei ha State Bank of India. U la kynriah sha Delhi ban pyndep ia ka klas XI bad XII ha Delhi Public School (DPS) Mathura Road, ha shwa ba un pule ia ka Bachelor’s degree ha ka subject English ha Kirol Mal College, Delhi University.

U la don bynta ruh ha ka sain pyrthei ki samla pule kum u nongialam ka North Eastern Students’ Federation of India.

Door Step Delivery Of Medicine

We Advertise

S

  • Phone
    7085718589
  • Email
  • Address
    Office: Lower Lachumiere Near Pear Tree Guest House
    Shillong, 793001
    For Advertisements
    Call Us Here 98634-49079/7085718589