Wan trei noh ne ngin thad paidbah ïa ka kyrteng, maham u DHS ïa ki doktor

Shillong, Nailar : Ka sorkar jylla ha ka sngi Saitjaiñ ka la hukum ia baroh ki doktor kiba pule na ka bhah jongka sorkar ba kidei ban wan trei noh mardor ban pyndap ia ka jingduna doktor ha kylleng ki jaka sumar kh amtam ha kane ka por ba ka jylla ka iakhun ia ka khlam COVID.

Haba pynbna ia kane ka hukum, u Director ka tnad ka Koit ka Khiah, Dr. Aman War u la ong ba ki la don kumba 50 ngut ei ei ki doktor kiba pule na ka bhah sorkar ki ba khlem pat wan trei wat hadien ba ki la pyndep ia ki jingpule.

La ong ruh ba don napdeng jong ki, kiba trei ha kiwei pat ki hospital kiba don ha ka nongbah.
Kumta halor kane, u DHS u la ong ba lada kim wan ban trei ki dei ban siew ia ka Bond ne ka jingsiew kaba ki la soi soskular ha shwa ba kin leit pule kaba long 10 – 25 lak tyngka.

Ha shwa kane, u Dr. Aman u la ong ruh ba ka jylla katkum ka jingpynban lait kam, ki la don kumba 150 ngut ki doktor kiba duna h akylleng ki jaka ai jingsumar jong ka sorkar.

2 thoughts on “Wan trei noh ne ngin thad paidbah ïa ka kyrteng, maham u DHS ïa ki doktor

  1. What about the bounded nurses who had passed GNM since 2014-2015.. Till now no reqruitment has been done for some.. Even they too are bonded.

Comments are closed.