Weng shipor ka sorkar ïa ka Lock Down

Shillong, Naitung 14: Ka sorkar jylla ha ka sngi Baar ka la shim ia ka rai ban weng noh shipor ia ka jingkhangdam kaba buh ban kut noh ha ka step sngi Balang.

Haba pynbna ia kane, u Symbud Myntri Rangbah ka Jylla, Bah Prestone Tynsong u la iathuh ba katei ka sienjam ba ki shim kadei hadien ba ki la bishar bniah ha ka review meeting kaba long ha ka janmiet sngi Ba-ar.

Kumban shu kdew hangne, ka sorkar jylla ka la pynjari da ka Lock Down ba ar sngi kaba sdang naduh ka step sngi Nyngkong haduh ka step sngi Balang kum shi bynta ban lah buddien lut ia kito ki briew kiba kynduh bad kiba ioh COVID 19 ha ka jylla.