Ym donkam ODD ne EVEN ïa ki kali ba leit buh eksam

Shillong, Jylliew 9: Ka Deputy Commissioner jong ka East Khasi Hills ka la pynbna ba yn ym don jingteh kyndon satia ia kito ki kali kiba leit buh ia ki samla ba iakhun ia ka eksam HSSLC ha ka 10 tarik mynta u bnai.

Ka DC ha ka kyrwoh ka ong ba ka jingpynbna ban iaid ‘Odd’ ne ‘Even’ number kan ym treikam satia na ka bynta kitei ki kali.

Katkum ka kyrwoh la batai shai ba ki kali baroh, kynthup naduh kito kiba kut ha u Registration Number (Odd-1,3,5,7,9 lane Even-0,2,4,6,8) ki lah ban leit shaw ne leit buh ia kitei ki samla pule sha ki jaka ialeh eksam bad ruh ban leit shaw biang ia ki.

Hynrei ban pyntikna ba ki leit buh ia kiba leit iakhun eksam, ki samla pule ki hap ban don ia ki Admit Card kum ka jingpynshisha.