Yn dang bteng u MLA ka North Shillong ban noh synniang sha ki Quarantine centre

Shillong, Jylliew 04: U MLA ka North Shillong constituency u Bah Adelbert Nongrum u la pynpaw ba shen un sa noh synniang biang sha ki ‘quarantine centre’ kiba don hapoh ka dorbar shnong Jaiaw Laitdom ha kine ki taïew ban wan.

Lah ban kdew ba dang shen u Bah Adelbert Nongrung u la noh synniang T.50 hajar sha kawei ka ‘quarantine centre’ kaba don ha Wahingdoh bad T.30 hajar sha ki ar tylli ki centre ha Jaiaw Laitdom.

Haba iadei bad kane, u MLA kane ka constituency u la ong, “Nga sngewdei ban kham ai kumjuh ka jingiarap sha ki ‘quarantine centre’ ki ba don ha ka constituency jong nga.”

U la ong ba kumba u lah dep ban ai ka jingnoh synniang sha ka Jaiaw Dorbar Laitdom haki taïew ba lah leit T. 30 hajar u don ruh ka jingthmu ban nang ai sa T. 20 hajar ha ki taiew ban wan sha ka Jaiaw Laitdom naka bynta ki ar tylli ki community quarantine centre kata ha St Joseph Higher Secondary School bad ka Seng Khasi Higher Secondary School.

“Kane ka jingai jingiarap ka long khnang ba kin ioh ban pynbeit pynbiang lem ki jingdonkam ka kitei ka centre ha kum kane ka por ba ka jylla hi baroh kawei ka dang iakhun pyrshah ia u khniang jingpang COVID-19,” u la ong.

Door Step Delivery Of Medicine

We Advertise

S

  • Phone
    7085718589
  • Email
  • Address
    Office: Lower Lachumiere Near Pear Tree Guest House
    Shillong, 793001
    For Advertisements
    Call Us Here 98634-49079/7085718589