Yn nym don jingthut ha ka jingtreikam ka bording (grid) lashai ka miet

New Delhi, Ïaiong 4: U Myntri Rangbahduh ka ri u la kyntu ïa ki paidbah ban pynlip light hapdeng ka por 9 baje haduh ka por 9: 09 minit mynmiet ha ka 5 tarik u Ïaiong.

Ka tnad Bording ka Sorkar Pdeng ka la pynmih ïa ka kyrwoh da kaba ong ba ka don ka jingartatien ba kane ka lah ban ktah ïa ka jaka pynmih bording (grid) bad ka jingkhih ka light (fluctuation of voltage) kaba lah ban ktah ïa ki tiar light.

Haba pynshai ïa kane ka bynta, ka tnad Pynmih Bording ka Sorkar ka la long ba kam don kano kano ka jingma.

Ka tnad Pynmih Bording ka la ban jur ba ki jam sam bording ha India (Indian electricity grid) ka long kaba khlaiñ bad kaba biang and la buh ïa ka rukom treikam ban pyntikna ba kan nym kano kano ka jingthut.

Ka tnad Pynmih Bording ka la pynpaw ka long kaba khmih ïa kane ka bynta:-

Ka jingkyrpad jong u Myntri Rangbahduh ka ri India ban pynlip ia ka light hapoh ki iing ki sem naduh ka por 9 baje mynmiet haduh ka por 9.09 minit mynmiet ha ka 5 tarik u Ïaiong.

Khlem shym ong ban pynlip ïa ki street light lane ki tiar kiba kynthup ïa ki kor kompiwtir, ki TV, ki pangkha, ki fridge bad ki AC hapoh ki ïing ki sem hynrei dei ban pynlip tang ïa ki light.

Ki light hapoh ki hospital bad kiwei ki jaka treikam kiba kong kum ki jingtreikam ka municipal, ki ophis, ki Police Stations, ki jaka pynmih tiar bad kiwei kiwei yn nym pynlip.

U Myntri Rangbahduh ka ri u la kyntu ban pynlip light tang hapoh ki ïing ki sem. La bthah ïa ka baroh ki tnad treikam ba kim pynlip ïa ki street light na ka bynta ka jingshngaiñ jong u paidbah.

Door Step Delivery Of Medicine

We Advertise

S

  • Phone
    7085718589
  • Email
  • Address
    Office: Lower Lachumiere Near Pear Tree Guest House
    Shillong, 793001
    For Advertisements
    Call Us Here 98634-49079/7085718589