172 ngut kiba ïoh kem pang bad uwei uba khlad na u COVID-19 mynta ka sngi

Shillong, Nailur 15: Sa uwei pat u Rangbah ba la 67 snem na GB Cantonment Jhalupara ba tip kyrteng kum Gopal Chandra Bakdal u la khlad noh hynne mynsngi na ka daw u COVID nalor ba u don sa kiwei pat ki jingpang kum ka jingpang Diabetes bad Hypertension.

Kumba long mynta ka jingdon kiba iap ka la poi sha ka 29 ngut.

Nalor kine, u Director ka tnad ka Koit ka Khiah, Dr. Aman War u la iathuh ruh ba ki la don haduh 172 ngut kiba ioh COVID mynta ka sngi kaba pynlong ia ka jylla mynta ban don haduh 1818 ngut ki nongpang COVID ha baroh kawei ka jylla.

Na kitei ki 172 ngut, na East Khasi Hills kiba ioh ki long haduh 74 ngut, East Jaintia – 61 ngut, Ri Bhoi 23 ngut, North Garo Hills 1,South Garo Hills -1, South West Garo Hills 2 ngut, West Garo Hills 9 ngut, bad West Jaintia Hills 1.

Ha kane ka sngi kiba koit ki long baroh 39 ngut kata ba kynthup ia ki 10 ngut na East Khasi Hills,East Jaintia Hills 3 ngut, Ri Bhoi – 1, South Garo Hills 1, West Garo Hills – 24 ngut kaba pynlong ia ka jylla mynta ban don haduh 2190 ngut kiba koit baroh.

Katkum ka jingiathuh da u Director ka tnad ka Koit ka Khiah, Dr. Aman War kiba koit baroh mynta ki la don haduh 2190 ngut.