955 ngut ki lawan phai ïing napoh ka thaiñ shatei lam mihngi: MR

Shillong, Jymmang  6: U  Myntri Rangbah ka Jylla ha ka sngi Balang u la pyntip ba ki la don haduh 955 ngut ki samla pule bad kiba trei ha kylleng ki jylla jong ka thain shatei lam-mihngi jong ka Ri, kiba la poi sha ka jylla naduh hynin ka sngi tad haduh ka por 6 baje janmiet jong ka sngi Balang.


Katkum ki jingkheiñ ba la phah da u Myntri Rangbah, ki la don haduh 557 ngut kiba wan lyngba ka khyrdop kaba don ha Byrnihat ha Ri Bhoi District, nangta 277 ngut kiba rung lyngba ka khyrdop kaba don ha Bajengdoba kaba ha North Garo Hills, 76 ngut na Ratacherra ha East Jaiñtia Hills bad 45 ngut pat lyngba ka Tikrikilla.


Baroh kitei kiba la wanphai iing ki hap ban set kut ha ki iing ki sem jong ki na ka bynta 14 sngi. Na ka liang ka sorkar ka la pynbna ruh ba kan pynbiang ïa ka bam ka dih na ka bynta jong ki tad haduh ban da kut katei ka 14 sngi.


Ka sorkar jylla ka la pyntip ruh ba ka jingwallam noh ïa ki nongshong shnong ka jylla na kylleng ki bynta jong ka Ri India kan long da ki pali, kata da kaba sdang shwa na ka bynta kito kiba don ha ki jylla jong ka thain shatei lam-mihngi jong ka ri bad hadien kata pat sa ïa kito kiba don ha kiwei pat ki jylla jong ka Ri.


Kumban shu kdew hangne, ki la don palat 2,000 ngut ki nong Meghalaya kiba don mynta ha kylleng ki bynta jong ka Northeast kiba la rejistar bad ka sorkar khnang ba kin lah ban wanphai noh sha la ki iing ki sem.

Door Step Delivery Of Medicine

We Advertise

Shillong Mail shillongmailnews@shillongmail.com

  • 7085718589
  • Head Office: Langkyrding Mihngi
    Shillong
    For Advertisements
    Call Us Here 98634-49079
  • ################