Ba kwah leh beijot, puh shuwa u rangbah da u mohkhiew ïa i heprit 14 snem na khlieh ha Mawmaram

Shillong, Naitung 05: Ki riew rangbah na ka shnong Mawmaram hynne ka janmiet ki la ioh ban kem a uwei u rangbah uba donkti ban pynmynsaw ïa iwei I heprit bad iba don mynta ha ICU ha kawei ka hospital ha nongbah Shillong.

Une u rangbah uba la shah kem bad ba la ioh bat da ki riew rangbah jong ka shnong Mawmaram udei uba la ithuh kyrteng kum u Jansing Rani uba dei na ka shnong Manai bad uba shongkha pat ha Mawmaram.

Katkum ka jingtip kaba iohpdiang da u nongthoh khubor ka long, ba utei u rangbah u la donkti ban pynmynsaw bad ruh thmu ban leh beijot ïa itei I heprit iba dang 14 snem ka rta.

La ïathuh ba katei ka jingjia ka la jia ha ka sngi Baar kata ha ka 3 tarik Naitung ha ka por nohphai sngi, ha kaba utei u Jansing u la bat jubor bad la pyllaw lyngkhuid ïa I heprit ha ka jingthmu ban leh beijot.

Ka khubor kaba iohpdiang, ka ïathuh ba ha kajuh ka por hadien ynda ladep ban pyllaw lyngkhuid, utei u Jansing u la puh pynmynsaw da u mohkhiew na ka bynta ka khlieh ïa itei I khynnah haduh ba I la shah sumar bad ban don ha ICU.

Ka jingtip kaba la pynthikna ka ïathuh ba itei khynnah mynta I don hapoh ka jingsumar ha Woodland hospital.

Ka jingbitar jong katto katne ki rangbah ka la pynlong haduh ba kin wad ïa utei u rangbah bad hynne ka janmiet ki la ioh ban kem na kawei ka jaka, kaba ki la pynkit noh sha ka ïing shnong ban shong bishar.

Haduh ba thoh ïa kane ka khubor, kitei ki riew rangbah ki ong, ki la pyntip sha ki pulit ban wan shim noh ïa utei u rangbah bad ban pynshitom katkum ka aiñ sorkar.

Ha kawei ka liang, kitei ki rangbah ki la ong, utei u Jansing udei uba ladon arngut ki khun.

Na ka liang ki paidbah ki la ai khublei ïa u Rangbah shnong jong ka shnong Mawmaram uba la trei shitom ban ïoh bat ïa utei u briew.

Ha jingtian bishar jong dorbar shnong, une u briew (Jansing) u la phla ba u thmu ban bat bor.

Image Credit: Asian Age

Door Step Delivery Of Medicine

We Advertise

S

  • Phone
    7085718589
  • Email
  • Address
    Office: Lower Lachumiere Near Pear Tree Guest House
    Shillong, 793001
    For Advertisements
    Call Us Here 98634-49079/7085718589