Bun tylli ki jaka jied ka sorkar na ka bynta ki nongdie madan

Shillong, Nailar 31: Ka jingialang pyrkhat kam jong ka sorkar jylla kaba long hynne ka sngi ka la aiti ha ka Deputy Commissioner jong ka Eat Khasi Hills na ka bynta ban ai jaka sha ki nongdie madan kiba don ha kylleng ki bynta Jong ka sor Shillong.

Haba kren bad ki lad pathai khubor, u Symbud Myntri Rangbah ka Jylla, Bah Prestone Tynsong u la iathuh ba ia katei ka kam mynta yn peit lang ruh da u Director Urban Affairs nangta na ka Municipal.

“Ki don 5 ne 6 tylli ki jaka kynthup ka parking lot ha Polo,” la bynrap u Symbud Myntri Rangbah. Katkum ka jingong jong u ki don kumba 300 ngut eiei ki nongdie madan ha kylleng ki bynta jong ka sor bad ia kine mynta ka sorkar ka thmu ban phah shong noh ha kitei ki jaka ba la pynkhreh.