Covid-19: Ap ka sorkar sa tang kawei ka kaiphod

Shillong, Jymmang 2: Ka Meghalaya ka ap mynta sa tang ka report kaba 11 kaba dei ruh kaba khatduh ha shwa ba kan pynbna noh ba ka jylla ka la khuid phar na ka khlam Coronavirus kaba la pynsyier shipor ïa ki nongshong shnong ka jylla baroh kawei.


Katkum ka jingïathuh jong u Symbud Myntri Rangbah ka Jylla, Bah Prestone Tynsong, ïa ka sample kaba ar jong itei ki nongpang ba 11 la shim ha kane ka sngi Saitjaiñ bad la khmih lynti ba shen hi kin sa ioh noh ïa katei ka report kaba khatduh jong itei i samla.


“Ïa kito ki 10 ngut ngi la dep pynbna ba ki la koit pura tangba na ka bynta ine ba 11 ngi hap ban phah test biang arsien khnang ban pyntikna ba i la koit pura 100 persen kaba long katkum ki kyndon ba la phah ba donkam ban phah test arsien hadien ba ka test kaba nyngkong ka la long negative,” u la ong.


Ha kane ka sngi u la ïathuh ruh ba ki la phah haduh 1707 tylli ki sample bad ka report ba la ioh ka kdew ba baroh 1655 tylli ki long negative bad mynta dang ap sa 40 tylli.

Door Step Delivery Of Medicine

We Advertise

S

  • Phone
    7085718589
  • Email
  • Address
    Office: Lower Lachumiere Near Pear Tree Guest House
    Shillong, 793001
    For Advertisements
    Call Us Here 98634-49079/7085718589