Da ki kyndon thymmai wanrah ka sorkar na ka bynta ki skul

Shillong, Jymmang 28: Kino kino kiba thmu ban plie skul thymmai mynta ki hap ban pynbiang bun ki jingdonkam hadien ba ka sorkar jylla ka la wanrah da ka kyndon kaba thymmai khnang ba ki skul kiba dang mih kidei ban biang naduh ki jaka ïalehkai, kin don ki jaka pynieng kali bad ruh kaba shngaiñ na ka bynta ki khynnah.

Kitei ki kyndon kiba ka kynhun myntri ka mynjur hynne ka sngi ki kdew ruh ba ha ki jaka ba don ha sor ki dei ban don haduh 2.5 acre ka jaka katba ha ki shnong kyndong ki dei ban don 3.5 ka acre ka jaka lada ki kwah ban tei skul.

Ym tang katta, u Myntri ka tnad Education jong ka sorkar Meghalaya, Bah Lahkmen Rymbui u la ong, “Ki dei ban don lypa ia ka ‘reserve fund’ ne ka pisa kaba la buh lypa ban siew tulop lai bnai ia ki nonghikai kumjuh ban don ia ka welfare fund na bynta jong ki.”

U ong ruh ba kawei pat ka kyndon ka long ba ki nonghikai ki dei ban biang ka kyrdan pule katkum ka kyndon jong ka NCTE.

Kawei pat ka kyndon kaba ki buh ka long ba ki skul ki hap ioh ruh ia ki certificate na u SP lane na ka DC ka ban pyntikna ba kitei ki skul ba ki tei kidei kiba la skhem ban long kum ki kamra klas.

Door Step Delivery Of Medicine

We Advertise

S

  • Phone
    7085718589
  • Email
  • Address
    Office: Lower Lachumiere Near Pear Tree Guest House
    Shillong, 793001
    For Advertisements
    Call Us Here 98634-49079/7085718589