Haduh 21 ngut kiba ïoh COVID mynta ka sngi, pur sa ha ki CRPF

Shillong, Naitung 21: Ka jingdon ki  riew kiba ïoh positive na u khñiang Coronavirus ka la nang kiew stet biang ha ka jylla namar tang ha kane ka step sngi Baar ki la don haduh 21 ngut ki briew kiba dang ïoh thymmai.

Da kitei ki 21 ngut ka Meghalaya ka don mynta haduh 416 ngut ki briew kiba don ïa utei u virus.

Kitei ki 21 ngut ki kynthup ïa ki 13ngut na East Khasi Hills kiba kynthup ïa 1 u shipai Airforce, 2 ki pulit CRPF, uwei u shipai BSF bad 9ngut ki riew paidbah. Kiwei pat ki kynthup ïa ki 7ngut ha Ri Bhoi bad 1 ha West Jaintia.

Kumba long mynta ka East Khasi Hills kadei ka Distrik kaba bun eh ki nongpang COVID namar ki la don haduh 355 ngut bad na kine tang ki BSF ki la don 266 ngut katba kiwei pat ki poi 74 ngut nalor ki 15ngut ki shipai.

Ha kiwei pat ki Distrik, ka Ri Bhoi ka don mynta 42ngut, East Jaintia 1, West Jaintia 1 West Garo Hills 12ngut, South West Garo Hills 1, South Garo Hills 2 ngut, East Garo hills 1 bad North Garo Hills ruh 1.

Kiba koit pat tang hynne ka sngi ki la poi haduh 18 ngut kaba long  baroh mynta 70 ngut kiba koit baroh.

Door Step Delivery Of Medicine

We Advertise

Shillong Mail shillongmailnews@shillongmail.com

  • 7085718589
  • Head Office: Langkyrding Mihngi
    Shillong
    For Advertisements
    Call Us Here 98634-49079
  • ################