Haduh 94177 ngut ki nongbylla sngi ki don hapoh East Khasi Hills

Shillong, Ïaiong 29: Ka sorkar jylla ha ka sngi Balang ka la aiti ïa ka thup kyrteng jong ki 1,84,184 ngut ki nongbylla sngi kiba don ha kylleng ki bynta jong ka jylla, sha ka tnad Labour khnang ba kan pynpoi pat ïa ka pisa sha kitei ki nongioh jingmyntoi.

Haba kren bad ki lad pathai khubor hadien ka jingïalang jong ka kynhun Myntri, u Symbud Myntri Rangbah, Bah Prestone Tynsong u la ïathuh ruh ba katei kadei ka thup kyrteng kaba khatduh jong ki nongbylla sngi  kiban ioh ïa ka jingmyntoi kaba long 700 tyngka shi taïew na ka bynta lai taïew kaban poi 2100 tyngka.

“Ka kynhun Myntri ka la mynjur ba ïa katei ka pisa yn siew naduh ka 23tarik u Lber bad kut pat haduh ka 14tarik u Ïaiong kaba long na ka bynta lai taïew ka jingkhangdam ïa ka jylla,” la bynrap shuh shuh u Symbud Myntri Rangbah.

Nalorkata, u ong ruh ba kitei ki nongioh jingmyntoi kidei tang na ka bynta kito ki nongbylla kiba khlem shah kynthup ha kino kino ki thup ioh jingmyntoi la ka long na ki tnad sorkar, na ka bylla 100 sngi, ne ha ka thup kiba trei ha ki jingtei (construction workers).

Napdeng ki jylla baroh, ka East Khasi Hills kadei ka jylla kaba bun tang ki nongbylla sngi katba ioh namar ka don haduh 94177 ngut, bud sa ka West Jaiñtia Hills – 25547 ngut, East Jaiñtia Hills – 11350 ngut, Ri Bhoi – 10489, West Khasi Hills – 9475, West Garo Hills – 7562, North Garo Hills, 7546, East Garo Hills – 6315, South West Khasi Hills – 4640  ngut, South Garo Hills – 3185 bad South West Garo Hills – 2061 ngut. 

1 thought on “Haduh 94177 ngut ki nongbylla sngi ki don hapoh East Khasi Hills

  1. Ym da donkam ban da batai bniah eh katne katne, kaba donkam mynta ia ka sorkar ka long ban pyllait noh kloi ia ka pisa sa ki nongbylla ki bapli kiba lah ap khmih lynti ban ioh ia kane ka jingiarap pisa na ka sorkar. Kumba nga kyrpad ia kane ka sorkar ba Kan pyllait noh kloi lada ka mut ban ai lym Kumta ynnai pynbang kai iaki bapli ki nongbylla bapli kiba shu iai ap khmih lynti ia kane ka jingiarap.

Comments are closed.

Door Step Delivery Of Medicine

We Advertise

Shillong Mail shillongmailnews@shillongmail.com

  • 7085718589
  • Head Office: Langkyrding Mihngi
    Shillong
    For Advertisements
    Call Us Here 98634-49079
  • ################