In Garo: Covid 19 man’e sigipa manggisiko gopna ba so’na: manggisiko jakdangdikna ma’mongni sulsul tarigiminrang

Health Ministry-ni Covid 19 man’e sigipa manggisiko jakdangdikna dakna nanggniko sulsul tarie on’giminrang. Sigimin manggisiko so’o ba gopo soa bibachi maming kenchakna nangani dongjana gita, gope galna nangoba.

Manggisiko chi jokna man’gijagipa plastic ra’chakanio name katipaniko dakna nanggen. Ge’etgimin gita, manggisiko kuligija mikkang nirikna man’gen, aro manggisiko gipakna, auatna, ku’dimna man’jawa. Nokdangni manderang toromni minga bi’anirangko dakna aro rongtalgipa chiko satkiatna man’gen indiba bimangko dangtapna man’jawa. Manggisiko ripingani aro uko rate niako dakna man’jawa maina Covid 19 rate niani somoio gipinona batna altuagen. Gingkol gita sikgipa pipe ba sintokko okani somoio sa percent hypochlorite solution-chi mitipate chi jokna man’jana gita kachipna nanga.

Ku’sik aro gingkolko chi ong’katna man’jana gita mituna nanga.

Manggisiko ra’chakanio donatani ja’manoba jo’ongko siatna ra’chakani a’palo hypochlorite-chi satdaptaina nanga. Ra’chakaniko nokdangni manderangni on’gimin ba’rachi ping’na man’gen. Sam satgimin ra’chakaniko gario salangon ba de’angon kenchakani dongjaha. Indiba manggisiko de’anggiparang PPE ba an’tangko chel’chakna gandingko gana nanga. Gopanichi jo’ongko man’a kenchakani gnangma? HIV aro SARS-CoV-2 uandakgipa sabisini jo’ongrang biosafety Level II aro III-o ga’aka. Unigimin manggisiko name biba jokatani gri katipe gopode kenchakani komia. Manggisi sona sal 7 ba 10 nanga aro ruronggimin be’enni chi ran’a sal 3 ba 4 nangronga. Sandie nie ma’sigiminrangni janapani gita manggisini chi donga dipetsan jo’ongde tangrongaia. Indiba ripamchini bimangoba jo’ong gipinona batna man’a. Unigimin manggisini chi joke galna man’jana gita name katipna nanga.

 Mangisiko so’e galode, uni taprana maming kenchakani dongja. Jo’ong gipinona kenchakanide manggisiko rate nianio kam ka’giparang, doctor-rang jean manggisiko rate nianio jakdangdikachim uarangnasa kenchakbatani gnang. Pilak janapgiminrangko name ja’riko so’anio aro gopanioba naljokani gnang. Mande jinma tom’dakaniko gelna nanga maina nokdangni manderango saa batrikani cholrang gnang.

Baita somoio gopna ba so’na nanga? 

Sigimin manggisiko donram biapko 4-6 degree celcius ong’na nanga. Sabisiko man’e sigipa matburingkode World health organisationni ge’etgimin gita skanggipao 800°c aro gnigipao 1000°c ong’ns nanga, uana auto-clave machineko jakkale soatna man’a.

Door Step Delivery Of Medicine

We Advertise

Shillong Mail shillongmailnews@shillongmail.com

  • 7085718589
  • Head Office: Langkyrding Mihngi
    Shillong
    For Advertisements
    Call Us Here 98634-49079
  • ################