Ka sorkar kan wad ki lad ki lynti ban pyn-sangeh ïa ka jing-kyntur pud ka MUDA: Hamlet

Shillong, Lber 20: U Myntri sorkar jylla ba dei peit ïa ka tnad kam pynroi sor (urban affairs) u Bah Hamletson Dohling hynne ka sngi u la pyntip ha ka Ïing Dorbar Thaw-aiñ ka jylla ba ka Meghalaya Urban Development Authority (MUDA) ka dei ban wanrah da ki jing-pynithuh ba thymmai sha ki paidbah ba ka Meghalaya Building Bye law kan trei kam ha ki jaka kiba hap hapoh ka Shillong Master Plan hadien ba ka hukum na High Court halor ki jingtei bun mala.
U Bah Dohling u la jubab ïa ka call attention motion ba la wanrah da u nongthaw-ain ka Congress na Mawlai u Bah Process T Sawkmie.
Nalor ki jaka kiba hap ha ka Shillong Municipal Board, ki jaka kiba hap ha ka master plan ka Shillong ka kynthup ia ka census town bad ki shnong ba marjan ka nongbah Shillong kiba hapoh ka 174 sq.kms.
U Bah Dohling u la pyntip ha ka Ïing Dorbar Thaw-ain ba hadien ka jing-pyntip ka la wanrah shibun ki jingïakhih pyrshah na ki bun ki bynta bad hadien ka jingïakynduh bad bad ka sorkar, ka MUDA, ka la shah pynbor ban pynmih ia ki jingai jingtip na ka bynta ka jingbuh ia ka Meghalaya Building Bye-Laws bad pyn-sangeh shipor ha ki bynta nongkyndong ba marjan bad ka nongbah Shillong.
“Hynrei ka High Court ka la shem ba ka PIL ba la buh da u Bah Tirot Sing Syiemlieh ka la pynsangeh ia ka jingpyntip ka MUDA. Kane ka la pynpaw ruh ba ka Meghalaya Building Bye-Laws ka treikam ha ki jaka kiba hap 174 sq.kms na nongbah Shillong,” la ong u Bah Hamlet.
U Bah Hamlet Dohling u la pyntip ruh ba ka jingialang la pynlong ha ka 14 tarik u Nohprah, 2017 hapdeng ka sorkar jylla ba la Ialam da u Dr Mukul Sangma, ka Khasi Hills Autonomous District Council (KHADC) bad ki dkhot ka Synjuk Ki Nongsynshar Shnong Ka Bri U Hynniewtrep (SKNSKBH). Ka jingmih na kane ka jingialang ka long ba ka KHADC ka dei ban shna ia ki Town Committee ha ka jylla bad pyndep ia ki kyndon ba la pruid dak da ka tnad Urban Affairs.
Katkum na kane ka jingialang, ka tnad Urban Affairs hadien ka jingioh pdiang ia ki kyrteng kan sa thung ia ki Town Committee kum ki Local Authority ha ka sub-section 1 ka section 2 jong ka Meghalaya Town and Country Planning Act, 1973 na ka bynta ban pyntrei kam ia ka Meghalaya Building Bye-Laws shabar na ki jaka Municipal.
Ka jingialang ka la rai ba ka MUDA kan dei ka bor ban pyntrei kam ia ka Building Bye-Laws ha ki jaka municipal ka jylla. Ka jingialang ka la rai ba ka sorkar kan buh da ka jingujor ha ka High Court namar kane ka mat ia kren ka la don lypa ha High Court. U Bah Hamlet u la ong ba kane ka Ing Dorbar Thaw-ain kan buh biang ia ka jingialang hapdeng ka KHADC bad ka SKNSKBH ban pyntrei kam bad wad ki lad ki lynti ban pyn-sangeh shwa ia ka MUDA.

Door Step Delivery Of Medicine

We Advertise

S

  • Phone
    7085718589
  • Email
  • Address
    Office: Lower Lachumiere Near Pear Tree Guest House
    Shillong, 793001
    For Advertisements
    Call Us Here 98634-49079/7085718589