KHADC: Mynjur ki 18 ngut ki MDC UDA ïa ka kyrteng u bah Titos kum u nongïalam

Shillong, Lber 10: Ka jingïalang jong ka United Democratic Alliance (UDA) kaba long mynta ka sngi ka la ai ka jingmynjur ïa ka kyrteng jong u bah Titosstar Well Chyne ban long kum u nongïalam bathymmai jong katei ka kynhun synrop kaba lamkhmat da ka seng UDP.

U bah Titos uba long u MDC ka Sohra na ka seng UDP ha kaba nyngkong u la shah jied kum u nongïalam ka parliamentary party (PP) bad hadien ka jingïasyllok bad ka jingïapynbeit hapdeng ki nongïalam kiba hakhmat jong ki party kiba ïadonlang ha ka UDA, la lah ban pdiang syndon ïa ka kyrteng khlem ka jingdon ka jingïatynjuh bor.

Ki party kiba ïadonlang ha ka UDA ki kynthup ïa ka UDP, NPP, HSPDP, PDF bad ki MDC shimet.

Ïa u bah Titos la jied ha ka jingïalang kaba la long kyrkieh hynne ka miet ha ka ïingsah jong u Myntri Rangbah ka Jylla u Conrad K Sangma bad ha ka jingdon ryngkat u president rangbah ka UDP, u bah Metbah Lyngdoh.

Ka jingdon jong ki MDC hapoh ka United Democratic Alliance mynta ka la kot haduh 19 ngut kiba kynthup ïa ki MDC shimet, u bah Lambor Malngiang, kong Grace Kharpuri bad u MDC ka Congress u bah Batskhem Ryntathiang.

La ïoh jingtip ruh ba katei ka jingïalang ka la thaw ïa ka Coordination Committee bad la thung ïa ki san ngut ki MDC kum ki dkhot kiba kynthup ïa u bah Bindo M Lanong, bah Teiñwell Dkhar, bah Martle Mukhim, bah Lambor Malngiang bad bah Gigur Myrthong.

Haba ïakren bad ki lad pathai khubor hadien ba lawai ka jingïalang, u bah Titos u la ai khublei ïa baroh ki MDC kiba la ai mynsiem ïa u ban ïalam ïa ka UDA na ka bynta ka bha ka miat jong ki paidbah.

U bah Titos u la pynsngew ba ha kane ka kynti, kan nym don shuh ka jingeh ban ïoh noh ban weng ïa ka Administrative Rule na KHADC bad ban ïoh ban synshar biang da ki MDC kiba dei kiba la shah jied kyrpang ha ki paidbah ban pyntyllun ïa ka kam jong ka Council.

Door Step Delivery Of Medicine

We Advertise

S

  • Phone
    7085718589
  • Email
  • Address
    Office: Lower Lachumiere Near Pear Tree Guest House
    Shillong, 793001
    For Advertisements
    Call Us Here 98634-49079/7085718589