Khlad 4 ngut na ka khlam COVID-19, 170 ngut kiba ïoh positive mynta ka sngi

DHS (MI) Dr. Aman Warr

Shillong, Nailur 23: Ka jylla ha ka sngi Palei ka la ioh ban sakhi ba ki don haduh sawngut kiba iap na u COVID, kata 3 ngut na East Khasi Hills bad iwei pat dei na South West Garo Hills.

Kitei kiba khlad ki kynthup ia ka Raina Begum 68 snem na Mahendraganj South West Garo Hills, kaba la khlad noh ha ka 22tarik mynta u bnai ha ka por 10.50 baje mynstep ha Ampati Civil hospital.

Ki lai ngut na East Khasi Hills pat kynthup ia u Abdul Hazim 60 snem na Jhalupara uba la khlad lypa shwa ban poi sha Nazareth Hospital ha ka janmiet jong ka 22tarik. U DHS u iathuh ruh ba ynda poi ha hospital la lap ba utei u rangbah u ioh ia u COVID.

Uwei pat udei ba tip kyrteng kum u Deepak Dutta 75 snem na Circuit House Kenches Trace. Utei u Rangbah u la khlad noh ha ka 23tarik por 2:40 baje mynstep ha NEIGRIHMS. Uwei pat uba iap u dei na Laban Harisabha ba la tip kyrteng kum u Sudip Karmakar 41 snem. Katkum ka jingiathuh da u DHS utei u Rangbah u la ur ha jaka sum bad naduh katei ka sngi um tip briew shuh.

La iathuh ruh ba hadien ba la poi sha Woodland Hospital ha ka 22tarik mynta u bnai la pyntip ba u la dep khlad lypa.

Ha kajuh ka por ki la don pat haduh 170 ngut kiba ioh thymmai ia u khniang jingpang coronavirus kaba pynlong ia ka jylla mynta ban don 2060 ngut ki nongpang.

Haba pyntip ia kane, u Director ka tnad ka Koit ka Khiah, Dr. Aman War ia kitei ki 170 ngut kiba ioh thymmai, haduh 117 ngut kidei na East Khasi Hills kata kynthup ia uwei u shipai bad 116 ngut ki paidbah.

Nangta ha West Garo Hills ki don 05 ngut, Ri Bhoi 37 ngut, North Garo Hills – 5, West Jaintia -3, East Jaintia – 3.

 Ha West Khasi Hills pat ki don 13 ngut, Ri Bhoi – 156, West Jaintia -12, East Jaiñtia – 275, West Garo Hills – 95, South West Garo Hills – 11, South Garo Hills – 05, East Garo Hills – 06 ngut bad North Garo hills 09 ngut.

U DHS u la iathuh ruh ba ki don pat haduh 153 ngut kiba koit hynne ka sngi ba kynthup ia ki 113 na East Khasi Hills, 17 ngut na Ri Bhoi, 2 ngut na East Jaintia, 17 ngut na West Garo Hills, 3 ngut na South West Garo Hills.

Kumba long mynta ka jingdon kiba koit pat ka la poi sha ka 2859 ngut.

Door Step Delivery Of Medicine

We Advertise

Shillong Mail shillongmailnews@shillongmail.com

  • 7085718589
  • Head Office: Langkyrding Mihngi
    Shillong
    For Advertisements
    Call Us Here 98634-49079
  • ################