Ki jingpynbna halor ka Corona virus

Ka jingpyndonkam ia ka Homoeopathy ban iada na ka jingioh Corona virus

Ki dwai Unani ki long kiba iarap ha kaba ialeh pyrshah ia ka Corona Virus infection.

New Delhi, K’lyngkot 29: Ka jingsaphriang jong ka CoronaVirus ka la nang kiew. Baroh kawei ka pyrthei mynta ka don hapdeng ka jingma halor ka jingpang Corona, ki Research Council hapoh ka tnat AYUSH, Sorkar Pdeng ki la ai katto katne ki jingtip kiba pynshong nongrim halor ka rukom sumar tynrai ka India kiba tip kum ka Ayurveda, Homeopathy bad Unani.

Katkum ki jingleh hapoh ka Ayurverda don katto katne ki jingiada kiba long.

• Pynneh ia ka jingkhuid jingsuba.
• Sait ia ki kti da ka um bad ka sabon la kumno kumno 20 sekon. Lada ym don um ne sabon.
• Dih da u Shadang Paniya (Musta, Parpat, Usheer, Chandan,Udeechya & Nagar) ka um ba la pynkhreh kyrpang (10 gm u powder ba la pynthnam ha ka 1-liter ka um, haduh ba kan da rngat shiteng). Buh ia kane ha u bilor bad dih ynda sngew thangrang.
• Ialeh ban ym ktah ia ki khmat, ka khmut bad ka shyntur da ki kti bym pat sait.
• Ialeh ban jngai na ki briew kiba don jingpang.
• Shong khop ha iing lada phi don jingpang.
• Da ia ka dur haba synriah ne jyrhoh bad sait ia ki kti hadien ba jyrhoh ne synriah.
• Pynkhuid ia ki tiar bad ki jaka ba pyndonkam man ka por.
• Lada lah, pyndonkam ia ka N95 mask haba leit shano shano lane haba trei ha ki jaka paidbah ban lait na ka jingbit jingpang.
• Lada phi suba ba ioh jingpang Corona Virus, deng da ka mask bad pyntip mardor ia ka hospital ba jan duh.
Ki kam iada bad ki dawai iada katkum ka rukom sumar Ayurveda.
• Yn shim ki sienjam ban pynkhlain ka jinglah ka met ban iada na ka jingpang lyngba ki jingbam bad ka rukom im ba tei.
• Agastya Harityaki 5 gm, ar sien shi sngi bad ka um ba syiad.
• Samshamani Vati 500 mg ar sien shi sngi.
• Trikatu(Pippali, Marich & Shunthi) powder 5 gm bad Tulasi 3-5 sla (ba la phon ha ka 1-litre ka um, haduh ban da rngat sha ka ½ liter bad buh ia kane ha u bilor) dih suki suki ia kane katkum ka jingdonkam.
• Pratimarsa Nasya: Pynjaw ar drop u Anu taila/ umphniang Sesame ha ki thliew khmut man ka step.

* Kane ka long tang ka jingai jingmut bad yn leh ia kane hadien ba la twad jingmut biang na ki doctor Ayurveda.

Halor ka jingbthah jong ka tnat AYUSH, ka Central Council for Research in Homoeopathy(CCRH) ka la iakren halor ki lad ki lynti ban iada na ka jingioh Coronavirus da kaba pyndonkam da ki rukom sumar Homoeopathy ha ka jingialang ba 64 jong ka Scientific Advisory Board ba la long ha ka 28 tarik u Kyllalyngkot 2020. Ki riew shemphang ki la ai jingmut ba lah ban dih da u Arsenicum album 30 ban iada na ka Coronavirus bad la ai jingmut ban dih da kane kajuh ka dawai ban iada na ka ILI. La ai jingmut ia ka dak dawai ba dei ban dih shisien dih ia ka dawai Arsenicum album 30 lai sngi lynter shuwa ban bam. Dei ban sdang biang ia kane hadien lai bnai da kaba bud ia ka juh ka rukom dih lada jyllei ka jingioh pang Coronavirus. Kine ki riew shemphang ki la ong ruh ba ki briew ki dei ban bud ia ki jingai jingmut na ka tnat ka Koit ka khiah jong ka Sorkar Pdeng kaba iadei bad ka jingleh khuid ban iada na ki jingpang kiba saphriang lyngba ka lyer.
Ki dawai Unani ki long kiba iarap ban ialeh pyrshah ki dak ka jingpang Corona Virus
1. SharbatUnnab 10-20 ml ar sien shi sngi
2. TiryaqArba 3-5g ar sien shi sngi
3. TiryaqNazla 5g ar sien shi sngi
4. KhamiraMarwareed 3-5g shi sien shi sngi
5. Khem ia ka khlieh bad ka shadem da kaba pyndonkam da ka RoghanBaboona/ Roghan Mom/ Kafoori Balm
6. Tah da ka RoghanBanafsha ha ki thliew khmut
7. Pynjaw 4-8 sien ka ArqAjeeb 4-8 ha ka um ba khuid bad pyndonkam ia kane saw sien shi sngi.
8. Lada don ka shit met, dih ar tylli u dawai kuli Habb e IkseerBukhar bad ka um ba blem blem ar sien shi sngi.
9. SharbatNazla 10 ml ba la khleh bad 100 ml ka um ba blem blem ar sien shi sngi.
10. Ktha ar tylli u dawai kuli Qurs e Suaal ar sien shi sngi
11. Ka Arq ba la pynmih na ki dawai Unani ryngkat bad SharbatKhaksi ka long kaba iarap bha:

Door Step Delivery Of Medicine

We Advertise

Shillong Mail shillongmailnews@shillongmail.com

  • 7085718589
  • Head Office: Langkyrding Mihngi
    Shillong
    For Advertisements
    Call Us Here 98634-49079
  • ################