Kwah ka KHADC bad Hima Mylliem ban khang shuwa ka Ïewduh

Shillong, Jymmang 26: Ka Khasi Hills Autonomous District Council (KHADC) kumjuh ka Hima Mylliem kaba peit ïa ka Ïewduh, kaba dei ka iew ba heh tam ha rilum Khasi Jaiñtia ki la kyrpad ia ka sorkar lyngba ka Deputy Commissioner ba kan ym pat plie ia ka Iewduh katba ka jingphriang jong u khñiang coronavirus kam pat kut ha Meghalaya.

Ia kane, la pynpaw da u Syiem ka Hima Mylliem Paiem Ainam bad ruh da u Myntri ka tnad Pla tyngka, Myntri MB Kharlukhi haba kren bad ki lad pathai khubor hadien ka jingialang ba la lum da ka DC ia ka Hima Mylliem bad kumjuh ia ka KHADC.

Ha katei ka jingialang na ka Hima Mylliem la mihkhmat da u Syiem, Paiem Ainam Syiem katba na ka liang ka KHADC pat la mihkhmat da u CEM, Bah Titos Chyne.

Na ka liang u Syiem ka Hima Mylliem haba kren bad ki lad pathai khubor, u la ong,”Ia mynta shipor dei ban khang shwa ia ka Iewduh namar shisien ba la plie ia ka kan don beit ka jingia lum lymbrum ne ia lum paidbah.”

Katkum ka jingiathuh jong u, tang ha Iewduh ki la don haduh kumba 5,000 tylli ki dukan kata ruh lait noh kiba shong madan kumta kan longkaba eh bha ia ka Hima Mylliem lane ia ka KHADC ban tehlakam. La iathuh ruh ba ka Hima Mylliem ka don tang 35 ngut ki pulit syiem katba ki jaka rung pat ki don haduh 25 tylli kaba la dei shwa kawei ka jingeh kaba khraw ban tehlakam ia ki paidbah.

Door Step Delivery Of Medicine

We Advertise

S

  • Phone
    7085718589
  • Email
  • Address
    Office: Lower Lachumiere Near Pear Tree Guest House
    Shillong, 793001
    For Advertisements
    Call Us Here 98634-49079/7085718589