Kyntu ka UDP ban kem ïa kiba donkti ban shoh ïa ki khynnah Khasi ha Them Metor 

Shillong, Jylliew 04: Da ka mynsiem kaba sngewkhia halor ka jingjia ia kynad kaba la neh ha nongbah Shillong mynta la san sngi , na ka liang ka United Democratic Party (UDP) ha ka jingialam u Bah Paul Lyngdoh, Working President ryngkat ki samla nongkitkam ka party , ki la leit ban ia kynduh ia u myntri rangbah ka jylla hynne ka step .

Haba kren sha ki lad pathai khubor hadien ka jingwan kynduh ia u myntri rangbah , u Bah Paul Lyngdoh u la ong, “Ngi pynpaw ia ka jingsngewkhia jong ngi halor kane ka jingjia kaba la jia naduh ka 31 tarik bad kaba la pynthut ia ka shong suk shong sain ha ka nongbah “.

“Ka mat ba nyngkong kaba la iakren ka long ban pynkynriah noh iai briew kiba shong ba sah ha Them motor kaba la tip kum ka Sweeper Colony . Kajingai jingmut ka long ban pynkynriah ki nongtrei ka Shillong Municipal Board bad kiwei kiwei kiba shong ing ha kane ka jaka ki bym dei ki nongtrei ka Shillong Municipal Board “.

“Ka la don ka jingiakren bad ka Municipal Board bad ban wad ia ka lad weng ia kane ka jingeh kaba neh shi rta . Mynba nga dang long u myntri ka tnad Urban Affairs, nga la buh jingtyrwa  ban pyntreikam ia ka fly over na Rap’s Mansion ka ban kut ha Them Motor”, la ong u Bah Paul uba la bynrap ,”Ynda la pyntreikam ia kane ka project lah ban pynkynriah ia ki na kane ka jaka “.

“Ha kajuh ka por la don ka jingtyrwa na ka bynta ban thaw ia ka multi level parking ha kane  kajuh ka jaka. Ngi la ai jingmut ia mynta hi ka sorkar ka dei ban ithuh noh ia ki briew ha kane ka jaka – kiba dei ki nongtrei bad ki bym dei ki nongtrei ka Shillong Municipal Board -ban pynkynriah iaki na ka ne ka jaka”, la ong une u MLA barim ka West Shillong Constituency.

 U Bah Paul u la ong ruh ba ki la iakren halor ka long ka man ha ka nongbah Shillong bad wanrah biang ia ka shong suk shong sain . “Ngi la ai jingmut ia ka sorkar ban ithuh bad kem ia kiba donkti ha kaba shoh pynmynsaw ia ki khynnah rit na ka jingjia ha ka 31 tarik bad hadien kata pat ngi la ai jingmut ba ka sorkar kan thikna  ba kan don ka jingiaid beit jong ka ain”, u la ong.

“Na ka liang ka UDP ka kyntu ia ka sorkar ban wanrah biang ia ka shong suk shong sain kumba ju long bad kloi katba lah khnang ba kan ym long ka jingthut ia ka jingkamai kajih, ka leit ka wan jong ki paidbah, ka jingpule jong ki khynnah skul ba kumta ter ter”, la ong u Bah Paul.

 Haba kylli la u sngew -mynjur ba ka don ka jingkynshoit da ki briew halor kane ka jingiakhih , u ne u nongialam u la ong , “Ngi la ioh kum kita ki jingtip hynrei lada ngim pat lah ban pynshisha ia kita .. kam pat long kaba dei ia ngi ban kynthoh eiei ia mynta “.

Haba mynjur bad sngewiahap ia ka jingdaw kiwei pat ki  seng sain-pyrthei ban pynkynrah ia ki briew na Them Metor , u la ong, “Ngi la ai ka jingdawa ba ka sorkar kan pyniakhlad ia ki briew kiba trei bad ka Shillong Municipal Board bad ki bym dei bad na ka bynta ki nongtrei ka Municipal Borad ka la don lypa ka jaka bad pynsah ia ki ha ka ing kaba la dep shna na ka bynta jong ki bad ki bym don bynta ei ei dei ban shu weng beit”.

Door Step Delivery Of Medicine

We Advertise

S

  • Phone
    7085718589
  • Email
  • Address
    Office: Lower Lachumiere Near Pear Tree Guest House
    Shillong, 793001
    For Advertisements
    Call Us Here 98634-49079/7085718589