La pynkut ia ka 1st A.L.Tron under 14 Football tournament

Shillong, Jymmang 20: U Myntri ka tnat pynroi sor bad u MLA ka Mylliem konstitwensi u bah Hamletson Dohling ha kane ka sngi Saitjaiñ u la pynhap pyrda ïa ka 1st AL Tron under 14 football tournament kaba la pynïaid da ka Seng Samla Dong Lumpongdeng Umlyngka.

Kane ka football tournament ka long shibynta ban pynkynmaw Ieid ia i wei na ki tymmen rangbah ha ka shnong Umlyngka I bah Albrik Lyngdoh Tron bam kwai ha dwar u Blei I ba lah Juh iai kyrshan met bad mynsiem ia ki Samla Shnong Dong Lumpongdeng bad kumjuh ruh ban kyntiew ia ka football ha ka shnong Umlyngka.

Ïa kane ka football tournament la sakhi da ki paidbah ka shnong Umlyngka ha ka jingiadonlang u Rangbah shnong Umlyngka bah Stephan Lyngdoh ,ki Rangbah Dong ki Samla Dong Lumpongdeng bad kumjuh ki ba haiing ha sem Jong I bah Albrik Lyngdoh Tron bam kwai ha dwar U Blei.

Haba ai jingkren u bah Hamlet u la ai mynsiem ia ki nonglehkai bad kumjuh ruh ia baroh ki samla lehkai bad u la ong ruh ba ki samla ki dei ban iai pynneh bad iai trei shitom ban pyndonkam hok ia ka sap ka talent ialehkai bad kumjuh ruh u la bynrap ba ki samla ialehkai ki dei ban iai trei minot na ka por sha ka por ym ba ka sap ialehkai kan shu kut noh tang shiteng por.

Shuh shuh u la pynpaw shem mynsiem ia ka jingangnud ka jong u kum u MLA ka Mylliem Constituency ba u kwah ban wanrah ia ka artificial turf ha katto katne ki Madan Football kiba hap hapoh ka Mylliem Constituency bad khamtam eh ha ka Madan Football Shnong Umlyngka ha kaba ma u ruh u lah juh lehkai teng kum u khynnah ha ki por ba la leit noh.

U la pynshai ruh sha ki paidbah ba un pynurlong ia ka jingangnud ka Jong u da ka ba un trei shitom bad u lah kyrpad ruh ia ki paidbah ba kin iatrei lang ryngkat ban wanrah ka jingkylla bad ban pyndep ia ki jingdonkam khamtam ha ka ba iadei bad ka madan football.

Ha kane ka lympung ialehkai kumba 10 tylli ki team ki la ia shim bynta bad ka lah duh Jong kane ka football tournament ka dei ka UCYFC club na ka dong Kynton bad ka team kaba wan ba ar ka dei ka Guiding Star, na ka dong Mawria.

Lah ioh ruh ban sam ia ki khusnam Best player ba la ioh da u Banteilang Jyrwa (Guiding Star XI) best Goalkeeper da u Babitlang Wahlang (Mawsyiem) Best Team Manager da I John Fisher Lyngdoh (fc iaineh) Best Defender da i John Vianey Riahtam (Bandit FC) , El Amigo FC ka la ioh ia ka discipline team bad Topscorer la ioh da u Macdonald Kharsahnoh (FC Iaineh), Promising player lah ioh da ar ngut ki player u Bestius Nongbsap(fc iaineh) bad u Donboklang Kharjana (UCY FC).

U Kongsan u Bah Hamletson Dohling u la sam ia ka winner’s trophy bad kumjuh ruh ia ka runner’s up trophy bad ruh u lah pynbna ia ka jingpynwai bad khang pyrda ia ka 1st.A.L.Tron under 14 Football tournament ha kajuh ka por ha katei ka sngi.

Door Step Delivery Of Medicine

We Advertise

S

  • Phone
    7085718589
  • Email
  • Address
    Office: Lower Lachumiere Near Pear Tree Guest House
    Shillong, 793001
    For Advertisements
    Call Us Here 98634-49079/7085718589