Lada tep lane thang ïa kito ba ïoh ïa u Covid-19 : Ki kyndon ka sorkar pdeng bad kumno ban leh ïa ka metïap

Kine ki ailad ïa baroh ki rukom lehniam, kata da kaba thang lane kaba tep bad ka khlem kdew hi ruh ïa ki jingma kiba lah ban mih lada shu tep.

La kdew ruh ba ïa ka met dei ban sop bha ha ki kynja pla plastik bym pei. Ki kyndon ki kdew ruh ba dei ban ailad tang ïa ka durkhmat ban pyni da kaba plie ïa katei ka pla. Ym dei ruh ban shah ban pynsum, doh lane kdup ïa ka met. Ki bahaïing ki ioh ruh ïa ka lad ban lehniam lane synreit ïa ki um khuid tangba kim dei pat ban ktah ïa ka met.


Dei ban kiar bankyllan dawai (embalming) lane bishar bniah biang ïa ka met jong kito kiba ïap (autopsy) namar ka met jong kitei kiba ïap kadei kaba don jingma. La bthah ruh ba ïa ka khmut bad ka shyntur la dei ban sop khnang ban khanglad ïa ki kynja um ban mih na ka met.
Hadien ba la dep ban thep ïa ka met, ïa katei ka pla dei ban synreit dawai biang (da ka hypochlorite). Ïa katei ka pla pat lah ban sop da ka kynja jaiñ ba la ai da ki bahaiing. Katei ka pla hadien ba la dep ban synreit dawai kam don jingma shuh lada rah ruh tangba kito kiba rah ki hap ban long pat kiba phikir lane ïada bha ïalade da kaba phong da ki kynja jymphong ba la pynkhreh kyrpang na ka bynta katei ka kam.

Hato da kaba tep ka buh jingma ban ïa bit :

Ïa ka met jong kito ki briew kiba don ïa ki kynja khñiang kum u HIV bad SARS -CoV-2 ki wan hapoh ka  Biosafety Levels II and III. Kumta, kam don jingma ei ei ban tep namar la sop bha ïa ka met jong ki.

Ka met ruh ka shimpor 7-10 sngi ban pyut bad ka um kaba mih na ka met pat ka shimpor 3-4 sngi ba kan tyrkhong ne rkhiang. Kumta, lah ban ong ba utei u khñiang u im katba dang don ka um na ka met. Hynrei kane ka jingpang pat ka phriang lyngba ki symboh um. Kam pat don kano kano ruh ka jingjia ba ka um kaba mih na ka met kan pynjaboh ïa ki tyllong um bad pynphriang ïa ka jingpang.


Hynrei lada shu thang pat ïa ka met, u dpei um buh jingma ei ei. Tangba ka jingma ka lah ban dei tang ïa kito kiba pynkit ïa ka met, ki doktor kiba leh ïa ka autopsy bad kito kiba ktah ïa ka met. Hynrei lada phikir bha pat, lada shu tep ne thang ruh kidei kin ym don kano kano ka jingma. Tangba ka jinglum bun briew dei ban kiar namar ki bahaiing hi kidei kiba hakhmat eh kiba iajan bad utei u nongïap.

Don ne em ka por ban pyndep ïa ka jingthang ne tep?

Lada buh ha ki jaka buh metïap, ka jingshit jingkhriat jong katei ka jaka buh kadei ban long 4-6 oC.  Namar na ka bynta ban thang ïa kito ki mrad ba don jingpang, ka  World Health Organization ka la kdew ba dei ban pyndonkam da ki jaka thang kiba biang, ha kaba ka jingkhluit kadei ban long 800 oC (primary chamber) bad ka jaka thang kaba bud pat kadei ban long 1000 oC katba na ka bynta kito ki tiar ba pyndonkam pat dei ban thang ha ki auto-clave machine.

1 thought on “Lada tep lane thang ïa kito ba ïoh ïa u Covid-19 : Ki kyndon ka sorkar pdeng bad kumno ban leh ïa ka metïap

  1. Kumno ha Kane ka jingkylli kaba 3 kaba ka lain ruh kaba 3 kaba Ong “Namar na ka bynta ban thang ia kito ki MRAD ba don jingpang”…..
    “MRAD” ???? ne ki BRIEW”

Comments are closed.

Door Step Delivery Of Medicine

We Advertise

Shillong Mail shillongmailnews@shillongmail.com

  • 7085718589
  • Head Office: Langkyrding Mihngi
    Shillong
    For Advertisements
    Call Us Here 98634-49079
  • ################