Na ka NHAI, pan ka NTC bad u MLA ka Umsning da ki nala bad jingkieng ïaid kjat

Nongpoh, Jymmang 19: Hadien ka jingwan iakren bad u Chairman jong ka National Highway Authority of India (NHAI), na ka liang jongki nongialam ka Nongpoh Town Committee (NTC) ha ryngkat ki nongmihkhmat na ka NHAI bad ki pulit ka Ri Bhoi ki la pynlong da ka Joint Inspection ha ka step jong ka sngi Palei hapoh jong ka sor Nongpoh.

Ka jingthmu jong kane kane ka Joint Inspection ka long ban peit bniah shwa kumno ban pyntreikam kloi noh ia ki jingdawa jong ka NTC ka bynta ban pynheh ia ki nala um harud jong u surok bah National Highway-6, namar ka jingshlei um khamtam ha ka por slap bad ruh ka jingtei ia ki jingkieng iaid kjat (foot over-bridge) halor jong u surok bad kiwei kiwei.

Ha kane ka sngi na ka liang jong ka NHAI la wan ban mih khmat da u BJ Lashkar, Deputy Manager (T) , HP Dalys, R.E. UNIHORN India Pvt Ltd, HS Singh, Project Manager ka Jorabat-Shillong Expressway, na ka liang ki pulit pat la wan ban mih khmat da u Bah C. Shylla, Incharge jong ka Traffic, Nongpoh bad na ka liang ka NTC pat la iadon da u Vice Chairman, Bah A Kharkongor bad u General Secretary, Bah Rayonald Kharkamni.

Hadien jong kane pat, ka la don ruh ka jingleit jurip ia ka Umsning Byepass haduh Sumer kaba la kyrpad kyrpang da u nongmihkhmat ka Umsning konstitwensi, u Bah Jason Mawlong, ha ka jingdon ryngkat ruh u Chairman ka Umsning Ttown Durbar, Bah Dipul Ryntathiang, ki rangbah shnong na ki shnong bapher bapher jong ka Umsning ha kaba ki la kyrpad na ki ophisar ka NHAI ban buh ruh ia ka jingkieng iaid kjat ha Umsning bad Mawlein Mawkhan bad ruh ban shna ia ki nala um kiba bit ba biang khnang ba ki paidbah kin nym ngat ha ka jingeh khamtam ha ka por ba jur slap.

Door Step Delivery Of Medicine

We Advertise

S

  • Phone
    7085718589
  • Email
  • Address
    Office: Lower Lachumiere Near Pear Tree Guest House
    Shillong, 793001
    For Advertisements
    Call Us Here 98634-49079/7085718589