Na ka wah Umpli leit tam ki pulit ïa ka metïap jong uwei u rangbah

Nongpoh, Lber 23: Ki bor pulit jong ka Byrnihat Police Outpost, hynne ka sngi ki la leit ban tam noh ia kawei ka metiap jong u wei u riew rangbah kaba la per halor ka sla jong ka wah Umpli hajan jong ka shnong Pahamsohbar, Ri Bhoi District.

Na ka liang ki bor pulit ki la ïathuh, ba la ïoh ban tam ïa katei ka metïap hadien ka jingioh jingtip halor ka jingdon jong katei kawei ka met pyut kaba la per ha sla jong ka Wah Umpli.

Ki puli ki ïathuh, ïa katei ka met la leit ban tam ha ka jingiadonlang ruh da ki doctor lem bad kiwei ki bor district, ki la leit hiar sha katei ka wah bad ban tam noh ia katei ka metiap.

Hadien ba la iohtam ia kane ka metiap, ki bor pulit ki la pynlong ia ka jingjurip bad hadien kane ki la ioh pat ia ka jingtip, ba kane ka metiap ka dei jong u wei u rangbah u ba na ka shnong Kuswai, Ri Bhoi District u ba la tip kyrteng kum u Selestin Bey (36), u ba la jah rngai na la ing naduh ka 17 tarik mynta u bnai, bad na ka liang ki bahaing ki la dep ruh ban leit ai ia ka ejehar halor kane ka jingjah jong u tei u rangbah hynnin ka 22 tarik ha Nongpoh Police Station.

La iathuh ruh, ba hadien ka jingjurip bad ka jingpeit bniah jong ki pulit ia kane ka metiap, la ong, ba la suba jur ba u tei u rangbah u la shah pyniap bad la bret pat ia ka metiap jong u ha katei ka wah, ha kaba la lap ba la teh da u tyllai na ki bynta jong ka kjat ba ki kti bad kumjuh na ryndang jong u bad la lap ruh ia ki dak mong na ki bynta jong u ryndang bad ka khlieh jong u tei u rangbah.

Na ka liang ki pulit, hadien ba ki la pyndep ia baroh ki jingdonkam ki la aiti noh ia kane ka metiap sha ki bahaiing bad ruh ka jingtohkit halor kane ka jingjia bad khamtam ban thwet pat ia ki runar kiba la donkti ha kane ka kam ka dang ïaid shakhmat.

Door Step Delivery Of Medicine

We Advertise

S

  • Phone
    7085718589
  • Email
  • Address
    Office: Lower Lachumiere Near Pear Tree Guest House
    Shillong, 793001
    For Advertisements
    Call Us Here 98634-49079/7085718589