Para marwei yn ïakhun ha ka ilekshon shiteng samoi ha Ampati – ka Miani pyrshah ïa u Clement

Shillong, Jymmang 9: Ka ilekshon shiteng samoi na ka bynta ka Ampati konstitwensi ka lah ban long ka jingïakhun para marwei namar haduh mynta, ka BJP kam pat pynbna la kan pynïakhun ne em ïa u kyrtong barim uba ïakhun ha ka ilekshon ba ladep, u Bakul Hajong.

Kane ka ilekshon shiteng samoi kan long ha ka 28 tarik Jymmang bad haduh mynta, u Hajong u la ong, um pat thikna la un aireng ne em la kum u kyrtong shimet wat haba ka BJP kam pat pynbna ïa ka tiket.

“Nga ladep ban ïakren bad ki nongïalam ka BJP naduh kiba ha Delhi bad Shillong, hynrei haduh mynta kim pat ai ktien ïa ka tiket ban ïakhun ha ka ilekshon shiteng samoi,” ong u Hajong haba ïakren bad u nongthoh khubor.

Lah ban shu pynkynmaw ha ka ilekshon kaba la long ha u bnai Rymphang kaba la jop da u Dr. Mukul Sangma uba la iehnoh kam noh hadien ba u la jop ruh na Songsak, u Hajong u la ïoh kumba 8000 vote bad shah tam haduh kumba 8000 vote tam ha ka jingïakhun kaba lai ngut.

Haduh mynta kiba la pynbna ban ïakhun ïa kane ka ilekshon, ki long ka khun u Dr Mukul Sangma na ka seng Congress, ka Miani D Shira bad kaba ladep ban thep kyrteng hynnin ka sngi bad na ka NPP udei u Clement G Momin uba la pyndep ïa ka jingthep kyrteng hynne ka sngi.

Ka jingthep kyrteng kan kut lashai ka sngi kata katkum ka jingpynbeit ryntih jong ka Election Commission of India.

Na ka liang u Hajong pat u la ong, “Nga lah ban nym ïakhun ïa kane ka ilekshon namar ba ka BJP ka don ha ka sorkar synrop hapoh ka jylla, ka MDA kaba lamkhmat da ka NPP hapoh ka jingïalam u Conrad Sangma kum u Myntri Rangbah.”

Shuh shuh, u Hajong u la ong ruh ba kum ka jingburom ïa ka rai jong ka seng bad ki nongïalam, u la rai ban nym ïakhun ruh kum u kyrtong shimet.

Door Step Delivery Of Medicine

We Advertise

S

  • Phone
    7085718589
  • Email
  • Address
    Office: Lower Lachumiere Near Pear Tree Guest House
    Shillong, 793001
    For Advertisements
    Call Us Here 98634-49079/7085718589