Ngi la kem Saw Ngut hadien ba la ithuh dur ïa ka jingdonkti jong ki: SP EKH


https://www.youtube.com/watch?v=pZOhFG74Gik

SHILLONG: Ki pulit ka East Khasi Distrik mynta ka janmiet ki la phah ia ka Kyrwoh sha ki lad pathai ban pyntip halor ka jingtreikam jongki kaba ki la leit ban khynra ia ki iing jong ki briew kiba donkti ban shoh ia ki briew kiba lui lui ha ka jingiaid rally kaba la pynlong da ka seng FKJGP ha ka 28 tarik Risaw, 2022.


Ka kyrwoh kaba wan na u SP ka East Khasi Hills Police, u Sylvester Nongtnger, ka ong ba hadien ba ladep ban ithuh dur ia ki briew ba donkti, ki pulit ki la leit ban pynlong ia ka jingkhynra ha ka miet jong ka 2 tarik Naiwieng, 2022 bad ka step phyrngap jong ka 3 tarik u Naiwieng, 2022 na East Khasi Hills bad Ri Bhoi district bad la ioh kem ia saw ngut katba kiwei kiba donkti ki la phet noh na ki iing ki sem ban lait na ka jingshah kem.


U SP ka East Khasi Hills u la pyntip ba ia kine yn sa rah ban tian bishar ha iingbishar bad ki case kiba la pynrung ha Laitumkhrah Police Station kiba kynthup ia ka Case No. 150 (10) 22 U/S 324/34/341/ 353/ 505/ 506 IPC bad ha Shillong Sadar Police Station, ka Case No. 246 (10) 22 U/S 120B/ 323 /34/ 341/ 353 /427/505/506 IPC R/w Sec. 3 Prevention of Damage to Public Property Act.


La ong ruh ba ki pulit mynta ki dang pyrshang ban ioh ban kem ia baroh kito kiba donkti.



27 views0 comments